關心妍獻唱首本名曲 最年輕觀眾忍不住手舞足蹈

關心妍獻唱首本名曲 最年輕觀眾忍不住手舞足蹈

育兒

廣告

關心妍自誕下囡囡後,一直,鮮有於鏡頭前露面。日前她於無綫節目《流行經典50年》一連獻唱三首首本名曲<放生>、<優先訂座>、<你有心>,最後更為關菊英致敬,唱出她的<講不出聲>!雖然闊別樂壇一段時間,但靚聲依舊。原來節目播出當晚,還有一位小粉絲坐定定看著電視,還手舞足蹈地打打氣,到底是誰呢?

 

撰文:Sunday Kiss|相片:kwansumyinjade@IG、新傳媒資料室

關心妍獻唱首本名曲 最年輕觀眾忍不住手舞足蹈

沒錯,這位小粉絲就是關心妍兩歲半的囡囡楊榮心(Jovia)!

很多人都關心Jade會否重出樂壇,不過她就在節目中表示,有了小朋友之後,很難分身,所以現階段未有計劃再出唱片。

Jade雖然沒有在熒幕中露面,但仍然可以聽到她的靚聲!事關她經常和囡囡唱兒歌,Jovie更在一旁自轉,超級可愛!

真正的掌上明珠

Jade這麼珍惜和女兒相處的時間,全因為Jovie得來不易。現年38歲Jade自2009年下嫁金融才俊楊長智,對於生B一事,有感大家依舊年輕,未急於全力造人。一年一年過去,到 33歲開始認真計劃,期間有停工休息,希望在無壓力下造人,但換來多次詐糊。兩夫婦曾互相質疑過,再扶持,尋遍坊間的求子秘方,甚至考慮人工受孕,若果都 不行的話,或需領養小孩,希望最終有一個完整的家庭。

七年求子之路

「我又唔係好高齡,點解咁困難嘅?」Jade這七年間也不禁質問,她一早知道「有仔趁嫩生」,婚後一直有造人,只是頭兩年未好恨生B,抱着嘗試的心態去造,「冇就唔緊要啦,再等吓先囉,第一我哋仲後生,第二又唔急嘅。」兩年後完成紅館演唱會,休息期間又試,「都係冇,可能未得啦,都唔緊張嘅。」

放鬆心情去造人卻失望而回

33、34、35歲了,兩人開始認真就此問題思考,因為35歲開始踏入高齡產婦階段,「距離40歲得番幾年,真係要認真啲喇喎,唔可以有就有,冇就冇,因為我哋兩個都想有小朋友。」她坦言,傳媒就此問題問足七年,問到她也質疑自己,「究竟我係咪真係咁想要呢?」她確認了自己真的渴望有小孩,2013年全面停工,有說她要退出樂壇,其實她希望找個空間讓自己喘息,做回幸福人妻,努力組織家庭。她與老公飛到自己讀書之地加拿大休息,放鬆心情去造人,以為今鋪實中,豈料試足一年卻失望而回。

屢食詐糊心情跌谷底

是否自己身體出問題?她尋遍中西醫求子,所有秘方、食療也一一試盡,「坊間你講得出嘅我都試過,食過好多詐糊,慢慢我哋變得沮喪,我相信所有想要小朋友但不果嘅夫婦都會明白,點解咁嘅?想要小朋友嘅時候,可以難到咁嘅?真係好難呀,難到你都唔相信,有冇咁難呀?」

這條漫長的求子之路,他們靠信仰去撐起心情,不斷祈禱「神,祢俾我哋啦。」這段路更是兩人感情的重大考驗,是你還是我的問題呢?是我的身體有事?再沒有的話是否要領養呢?這堆問題一直充斥她的腦海,常言道想懷孕要抱着輕鬆心情,但她根本不能放鬆,太多問題、太多壓力。「個心一直都會想試,我哋已經冇放唔放鬆嘅地步,唔知咩叫放鬆。好多人叫我哋放鬆啲去旅行啦,唔係咁簡單㗎。」

終於有孕:開心到想跳起

甚麼方法也試盡,兩人灰心到不知如何是好,多年來連環食詐糊,去年底驗到有孕時,兩人都不敢相信,以為又食詐糊,Jade說:「唔好俾大家太大希望,費事又失望,但心情好掙扎,戰戰兢兢,要等一個月去睇醫生確認。去到照超聲波,見到真係有嘢嗰一刻,嘩!好似人哋中咗頭獎咁!唔係呀嘛?真㗎?真係開心到……啲人話會開心到喊,點止喊呀?簡直開心到如果可以跳,我哋開心到想跳起!真係唔敢相信呀!」

確定懷孕前,Jade反而沒有刻意做過甚麼,10月還到過澳門開演唱會,體重只剩98磅,在演唱會前後只有象徵式試一試,之後聖誕檔期又有排山倒海的工作,完全沒有任何期望。期望愈大,失望愈大;沒有期望,卻有驚喜。「依家諗番,可能只係timing問題,我真係冇諗過會搞足七年。」

戒凍飲、多飲紅棗水

Jade的經歷,令一班恨生B卻苦無結果的夫婦,重燃希望,她以過來人身份向求子的女士分享道,女人必須要養好身子。「以前我冇咁乖,試過飲中藥唔得就算,咁我冇可能長期用中藥調理,一路調理一路都冇係好沮喪㗎嘛。後來我試吓天然食療,戒凍飲、多飲紅棗水,又從日常生活改變吓習慣,開始做一啲暖子宮嘅嘢。」

暖腳有助暖子宮

腳部是人體的「第二個心臟」,中醫亦有云:百病始於足,故女人的腳部護理十分重要,好好溫暖雙腳能有效促進血液循環、促進睡眠,更有助溫暖子宮,於是Jade每晚臨睡前浸腳,在家也着襪,長期保持腳部溫暖。「女人對腳好緊要,寒氣、濕氣都喺對腳吸上去,好多人返到屋企就除晒鞋襪,好舒服呀,或者覺得熱呀,原來唔着拖鞋係唔好,仲應該要着襪,我好乖每晚臨瞓都浸熱對腳,我相信或多或少都有幫助。其實任何方法都一定要身體好,就算做試管都要睇自己捱唔捱到,成功令受精卵着床。」