限聚令

限聚令下港媽帶兩孩外出吃飯 侍應求分枱坐自覺涼薄 網民批媽媽無視仔女健康

育兒

廣告

限聚令 下,餐廳在晚上六點後禁堂食,市民也要保持社交距離,不能超過二人聚集,違規將會被檢控、罰款。近日,一名女侍應遇到一家三口,礙於限聚令的規定,她惟有拆散三母子,要求他們分枱坐。事後,她回想事件,覺得很難做,遂將於社交平台發文訴心聲。帖文引來不少網民留言,有家長很有共鳴,覺得大家應該多體諒媽媽;但也有人認為生命安全重要過吃飯,質疑媽媽為何要帶小朋友外出吃飯。

撰文:Clara | 資料來源:「巴打絲打『13親子育兒』Facebook Club」| 圖片來源:shutterstock

侍應要求港媽與兩孩分枱坐吃飯

近日,一名侍應於Facebook群組「巴打絲打『13親子育兒』Facebook Club」發文,訴說疫情及限聚令下的心聲。她表示早前遇到一名媽媽,帶兩個目測只有兩至三歲的小朋友到餐廳吃飯,受到限聚令的措施所限,她只好安排媽媽與小朋友分開兩張枱吃飯,媽媽一張枱,兩個小朋友就坐另一張枱。她不忍見到始此殘忍場面,於是請示同事該怎麼辦,最後同事同意將三母子一齊坐。

媽媽一張枱,兩個小朋友就坐另一張枱(非當事人)
媽媽一張枱,兩個小朋友就坐另一張枱(非當事人)

 

 

 

 

 

 

 

 

 

 

 

 

 

 

 

 

 

侍應感到很難做,因為如果不拆散三母子,她擔心餐廳會因限聚令而被罰款,不過如今拆散他們,又自覺涼薄。她指自己雖然未生過仔,未成為媽媽,但亦為該位媽媽感到難過、心痛:「一個限聚令,真令人難做,其實自己個心會好噏。唔拆散你哋,又怕畀人捉;拆散你哋,個心好噏,小朋友無罪㗎,需要媽媽,分離嗰種感覺好難受。試問兩三歲嘅小朋友點識得照顧自己?試問點解要用到『畀你係人情,唔畀你喺道理』呢句說話?會覺得好涼薄㗎其實。」

媽媽一張枱,兩個小朋友就坐另一張枱(非當事人)
媽媽一張枱,兩個小朋友就坐另一張枱(非當事人)

家長認為社會應多體諒父母

有部分家長網民留言支持侍應,他們覺得法律不外乎人情,應多多體諒家長同小朋友出街吃飯的心情:「成日話上網有得買餸,上網有得買,街市又開?畀邊個啊?一個媽媽無任何人幫手湊,日日屈喺屋企無街出,無病都屈出病喇。唔好話個媽媽唔買外賣喇,小朋友唔餓得㗎,大家都做過小朋友點解會唔明?出個街食個飯唞個氣都被人話。」亦有人質疑二人限聚令的成效,認為大家太緊張:「有咩問題?我一家三口日日都出街食,要中嘅喺屋企都會中,唔通唔使落街、返工、買、煮飯?買外賣唔通一定安全咩?」一名媽媽網民表示,因為怕獨留兒童在家中,才會帶他們出外吃飯:「唔信有家長真係大膽放兩個小朋友喺屋企自己出去買嘢。」

家長認為社會應多體諒父母(Facebook截圖)
家長認為社會應多體諒父母(Facebook截圖)

網民批無腦 認為生命安全最重要

然而有網民認為媽媽要在小朋友面前做好身教,不能違反法律。而且網民覺得人情不是違反法律的藉口,如果一個是這樣,兩個是這樣,人人都會無視限聚令,疫情遲遲都不能制止。所以他們覺得作為家長,最好應該暫停與小朋友外出吃飯,留家抗疫:「我都一打二,疫情期間最好唔好帶佢哋外出用膳。」、「唔出去食會死? 有乜咁肚餓一定要堂食?」、「畀兩位已經好好,其實限聚四人,又會話六人家庭點算,同住無辦法,出得街就要顧及他人。」、「咁樣一家大細,好明顯係無抗疫心態。依家咩環境啊,好想小朋友有事?」

網民批無腦認為健康最重要(Facebook截圖)
網民批無腦認為健康最重要(Facebook截圖)