【好彩生仔無生女】陳智燊只顧兒子 惹老婆呷醋
圖片來源：陳智燊Instagram
陳智燊日前出席時裝活動，他表示最近購物習慣有改變，因為買東西都會以兒子行先。從前會想和老婆穿情侶裝，現在則是買親子裝，和宋熙年一起「襯番個仔」。
陳智燊笑言好彩第一胎不是生女，不然一定會最錫女兒，他和宋熙年在對方心中都會沒有地位。陳智燊表示雖然宋熙年有呷醋自己只顧兒子，其實自己也會呷醋：「有了兒子後大家在對方心目中都降了級，只排第二。」
陳智燊晒一家三口溫馨全家福
陳智燊去年12月41歲生日，這亦是升呢做爸爸後的首個生日。陳智燊同老婆宋熙年（Sarah）帶著當時只有三個幾月大嘅囝囝Damon齊齊出外慶祝。一家三口更在聖誕樹下拍攝全家福，超級溫馨呀。隨後，陳智燊在社交網分享照片，並留言：「呢日為我最想做嘅就係陪我兩個小情人、帶Damon到公園以及影低呢張溫馨的聖誕全家福。」相中可見陳智燊和Sarah穿上情侶裝，望著囝囝Damon，甜到漏呀！
呢日，陳智燊一早起身，就甜蜜晒出老婆同囝囝嘅床照。
宋熙年高調放閃 送甜蜜祝福
而老婆宋熙年就高調回覆陳智燊，兩公婆齊齊晒溫馨全家福，Sarah甜蜜留言：「過聖誕嘅同時順便同陳生慶祝生日，Jason最想做嘅就係帶著我同Damon外出慶祝，當然唔少得有全家福啦」
較早時，Sarah已經晒出陳智燊同寶貝仔Damon嘅合照，並留言：「今日我老公休息，雖然唔係佢最上鏡嘅角度，但呢個一定係我最愛嘅畫面，夠晒投入又充滿關懷，愛和勤奮…時間過得真快，又過了一年又大一歲…… Damon說「生日快樂爸爸，你是我的英雄」」
囝囝百日宴 宋熙年：比想像中更愛大小陳生
我覺得我最大成就是組成咗屬於自己的家庭。好多謝兩位大小陳生，一直以來帶給我的所有快樂。Damon祝你百日快樂，爸爸媽媽比你想像中更愛你……並且好感謝你選擇我們成為你的爸爸媽媽…
「my biggest achievement to date is starting my own family. Thank you Mr. Chans (senior and junior) for all the happiness you have brought me. Happy 100 days Damon. Mummy and Daddy love you lots and lots…. And thank you for allowing mummy and daddy to be matchy matchy with you …」
宋熙年一家三口著上型爆親子裝搞百日宴，原來爸爸媽媽裡面件T恤都好有心思㗎，Sweet爆呀！小朋友喺百日宴要對住咁多人難免會扭計，貼心爸爸陳智燊仲幫乖仔整咗個「替身」，等所有到場嘅親朋好友都可以同Damon合照留影。
