Messy Play 6-12個月體驗型Playgroup推介

Messy Play 6-12個月體驗型Playgroup推介

育兒

廣告

坊間playgroup多如7-11,Wilma媽一直想搵啲純玩或者體驗嘅課程當同芊羽親子活動。經媽咪朋友介紹,見到呢間童樂fun紛社嘅課程係小組活動/户外體驗形式,就報咗幾堂玩下。

messy play體驗特別觸感

佢有別於一般playgroup嘅係,佢嘅messy play唔係淨係玩顏料,佢玩嘅係更多日常會接觸到、而且有特別觸感嘅嘢,例如係冰畫、啫喱尋寶、波波畫等等。
另外因為佢冇實舖,負責人蚊芝姑娘會租借體育館上堂,價格亦都非常相宜。(自組班夠8人就開堂,只需HKD85,一堂一小時)

搓搓粉團

今日Wilma爸媽同芊羽上嘅就係搓搓粉團。
而蚊芝姑娘係一位有多年社工同幼兒工作經驗嘅大姐姐,所以好熟練就引起小朋友嘅注意同帶動倒大家氣氛。雖然芊羽相比起同班其他BB細,但都已經望實姑娘唱歌同指導唔眨眼。

課堂唱下歌、一齊玩玩具樂器學習簡單嘅指令,再玩15分鐘戲肉嘅粉團(芊羽一見倒碟麵粉就好奇地伸手要搗蛋),一個鐘時間真係好快過。

BB體驗Playgroup

而我呢班在場目測BBs大概8-14個月,冇太大年紀差距,而且蚊芝姑娘會鼓勵BB們同隔離配合遊戲,唔會怕自己BB未識行會唔會未適合玩。

如果你地都同Wilma媽一樣想BB有更多得意嘅新接觸,可以搵童樂fun紛社了解下,據我所知佢地亦有適合其他年齡嘅playgroup呢~

想睇精華片段可以去https://www.facebook.com/wilmamamasay/videos/490533108008337/

下一頁︰Messy Play 樽蓋畫遊戲玩法 廢物利用