「奧」妙運動園運動體驗同樂日暑假正式登場！一家上下體驗運動之樂！@Parent婷

近年做運動風氣愈嚟愈濃厚，不論大人定小朋友都會經常參與唔同類型嘅運動！如果妳嘅小朋友一樣咁鍾意運動，就千萬唔好錯過「奧」妙運動園！嘅運動體驗同樂日！

「奧」妙運動園係咩嚟？！

由港協暨奧委會統籌嘅「奧夢成真」計劃，其中一項重點為關注青少年嘅體育運動發展同埋培養恆常運動習慣，等學生同計劃退役/已退役運動員透過運動一齊開創夢想。為加強兒童及青少年的體育運動發展及培養恆常運動習慣，開展為期三年的新計劃 — 「奧」妙運動園！。

「奧」妙運動園！運動體驗同樂日有咩玩？！

叫得「奧」妙運動園，當然有一系列刺激、好玩、益智嘅運動俾小朋友參加，當中包括：

1. 親子體適能遊戲

2. 運動體驗 (平衡車、賽艇、足毽、足球)

3. 奧林匹克運動展覽暨問答遊戲

4. 六角圖體適能測試 (需時30-50分鐘)

六角圖體適能測試係由「奧夢成真」計劃研製嘅體能測試系統，透過測試，了解小朋友唔同體適能方面嘅水平，根據測試所得分數，製作屬於自己嘅專項運動體適能圖表，再對照從唔同體育總會收集而成嘅運動項目對照表，分析出最適合小朋友玩嘅運動項目同埋提昇之處。

活動當日，「奧夢成真」計劃項目發展幹事黃金寶同埋一眾前港隊運動員亦會到場協助小朋友發掘運動潛能！

活動當日完成指定數量運動體驗後，更會派發豐富紀念品，切勿錯過。

活動精彩片段

「奧」妙運動園！- 運動體驗同樂日詳情

時間: 2019年7月6日 (星期六)

地點: 圓洲角體育館 – 沙田銀城街35號 (第一城站B出口5分鐘路程)

時間: 上午10時至下午5時

了解更多：

「奧夢成真」計劃Facebook專頁：SportsLegacyScheme

「奧夢成真」計劃網站：www.sportslegacy.org.hk

(活動包括多項運動體驗，建議穿著波鞋。)