滙豐七人欖球地帶

「滙豐七人欖球地帶」免費入場!玩盡5大精彩活動

親子好去處

廣告

「國泰航空/滙豐香港國際七人欖球賽2016」今日開波啦!買唔到飛入場睇?唔緊要!因為「滙豐七人欖球地帶」會喺賽事期間,在香港大球場對面的印度遊樂會免費向公眾開放,有嘢飲、有嘢食、有得瞓,仲要有Live band,氣氛絕對不下於入場睇啦!

滙豐 #BRINGYOURGAME互動遊戲區

現場除了會直播賽事之外,還設有「滙豐 #BRINGYOURGAME互動遊戲區」,小朋友可以一起參加欖球、高爾夫球及網球互動遊戲!

「七人欖球巨星技能技戰」

小朋友要係最少時間內完成三個關卡的挑戰,易玩又可以俾小朋友放足電!

關卡一:將欖球拋入洞內,即可過關。(小朋友未必夠力啊,所以爸爸可能要幫下手啦!)

關卡二:只要拎住個欖球,穿過唔同的障礙物,即可過關。

關卡三:小朋友最鍾意啦!只要擊倒條柱就可以過關啦!

下頁有:其他互動遊戲

「快捕神射手」

只要在限時內,將欖球踢入龍門就得啦!當然射得越高越多分啦!

「溫布頓網球挑戰」

場內的「網球」安裝了感應器,小朋友只需拎住網球拍,對準發光的「網球」就可以得分啦!

「滙豐青少年高爾夫球挑戰」

玩法非常簡單,只要把高爾夫球打進分數區,即可得分!

下頁有:面部彩繪及手藝工作坊

另外,在 「創意小部落」內,不同年齡的小朋友都可以參與面部彩繪及手藝工作坊等有趣活動,睇得又玩得。

面部彩繪

小朋友自選彩繪,畫在面部或手部。

「塗鴉牆」

有顏色,又有畫紙,仲有黑板俾小朋友慢慢畫!

攝影區

下頁有:有咩食呢?

場內設有多個美食攤位,除咗有木枱坐之外,大家仲可以選擇打地鋪,真係別有一番風味啊!

攤位內有蘋果酒($60杯)及玫瑰酒($50杯),另外還有汽水等。

食物攤位有Burger同薯條!

另外,滙豐卓越理財客戶可以銀行卡或信用卡於「滙豐七人欖球地帶」登記,免費換領「滙豐欖球加油站餐飲券」兩張,先到先得。(每日限量100張)

「滙豐七人欖球地帶」活動詳情:

地點:銅鑼灣掃桿埔加路連山道63號印度遊樂會(香港大球場對面)

開放時間:

4月8日 (星期五):中午12時至全日賽事完結
4月9日 (星期六):早上8時至全日賽事完結
4月10日 (星期日):早上8時30分至全日賽事完結

撰文:Fiona Fong
相片:Fiona Fong