中秋好去處2021

中秋好去處2021|3大必去燈籠街 即影即有+燈籠隧道 體驗濃厚中秋氣氛!

親子好去處

廣告

中秋好去處2021|話咁快就中秋節,媽媽們諗好同小朋友去邊玩未?今年中秋全港各區有好多充滿氣氛嘅燈籠街,打卡之餘仲可以行吓市集,同小朋友影即影即有,啱哂一家大細去玩。以下為大家介紹3條必去嘅中秋燈籠街,趁中秋節未過帶小朋友去感受吓節日氣氛啦!

圖文授權:澄兄湜弟、茄媽與麥糖媽、四月媽媽手記|編輯:Billie

中秋好去處2021|1.灣仔利東街「彩燈迎月」燈籠街

今年灣仔利東街將會有超過688個七彩燈籠掛滿整條林蔭大道,每一個角落都是有傳統特色的打卡熱點。中秋節時更會沿街提供即影即有服務,在9月18、19、25、26及10月1至3日共七日間,只要追蹤「利東街」社交媒體就可以免費拍攝一次。除了七彩的燈籠,利東街會在中秋期間開設慈善手作市集,為病童實現願望的工作籌款,去打卡之餘不妨順便行下市集,同小朋友一齊Shopping!

地址:灣仔利東街
日期:2021年9月11日至10月25日
時間:上午8時至晚上10時(5時亮燈)
交通:灣仔港鐵站A3或D出口
網址:http://www.leetungavenue.com.hk/tc/

中秋好去處2021|2.元朗大橋街街市 着名手工燈籠街

各位爸爸媽媽同小朋友買咗燈籠未?講到中秋燈籠街,不得不提元朗大橋街街市。大橋街街市有很多賣燈籠的店家,街道上方掛滿傳統燈籠,只要行入去就會被大量燈籠包圍。燈籠種類又靚又多,大部分都是手工製作的燈籠,充滿中秋氣氛,款式很多總有一款啱小朋友。此外燈籠街還有大型兔仔燈籠供遊人拍照,去開元朗不妨睇下!

地址:元朗大橋街街市內
日期:每天
時間:上午6:00至晚上8:00(中秋節翌日營業時間可能有變)
交通:港鐵朗屏站D出口離開再步行7分鐘

中秋好去處2021|3.觀塘裕民坊恆香・YM² 中秋綵燈會

今年中秋佳節,裕民坊和百年老店元朗恆香老餅家合作,打造一個以懷舊為主題的中秋綵燈會,在市區也有中秋燈籠街,不用山長水遠去元朗!綵燈會的燈籠隧道,以傳統手法紮成500個傳統燈籠拼湊成燈籠隧道,燈籠全部以金魚、玉兔、楊桃等造型為主。草地上面擺放著帳幕和露營車,仲有超過1.5米高的中秋玉兔造型燈籠,可以喺度扮露營賞個月。小朋友可以在月餅造型的月餅櫈上打卡,隔離仲可以玩月餅過三關,小朋友可以玩住過中秋。

地址:觀塘裕民坊YM²一樓中庭及地庫一樓露天廣場
日期:2021年9月3日至9月26日
時間:上午10:00至晚上10:00
交通:港鐵觀塘站A1出口離開再步行2分鐘
網址:https://www.ym2.hk/tc/Promotion/395

中秋好去處2023還有什麼打卡地點?

利東街多年來一直是香港市民慶祝節日的熱門地點。今年利東街相約大家到訪「躍兔 ‧ 迎月」戶外綵燈會,超過800個中式燈籠將懸掛在這約200米長的道路上,當中還首度加入…詳情請看

中秋好去處2023有什麼市集及工作坊?

中秋節除了賞月賞燈、吃中秋月餅、中秋盆菜,更有不少打卡活動及景點,包括中秋花燈會、市集、工作坊、商場、展覽等。即睇中秋活動一覽