佐敦谷公園

佐敦谷公園賞紅葉 大片草地野餐放電好去處 觀塘最大公園+秋天行山

親子好去處

廣告

佐敦谷公園紅葉|佐敦谷公園係觀塘區最大公園,唔只有超大片草地,仲有好多楓香樹,可以邊野餐邊賞紅葉!佐敦谷公園還有兒童遊樂區和遙控模型賽車場,啱哂小朋友放電,附近還有一座天梯小山,秋天可以同小朋友行山郊遊。

香港紅葉9大打卡勝地

佐敦谷公園紅葉|賞紅葉好去處

如果唔想行山,可以由彩虹站轉乘巴士,約5分鐘就可到達的佐敦谷公園。佐敦谷公園一向為親子郊遊勝地,一大片的草地除了可以讓小孩「放電」,更是野餐的好去處。園內的十數棵楓香樹位置較分散,但係影相都好靚,最近已有樹葉轉紅。 一邊野餐一邊賞紅葉,超寫意!

佐敦谷公園
(圖片來源:肉丸朗之快樂日常)

前往方法1:由順利邨巴士總站步行約5分鐘。

佐敦谷公園紅葉|天梯小山 九龍灣至平山 行山上公園路線

搭車之外,亦可以行山上公園,嚟個秋天郊遊。呢個天梯小山起初梯級頗窄,因此如果想行山亦可以考慮逆線而行,由佐敦谷公園向下走。

佐敦谷公園
(圖片來源:山系小達人﹝雞丁暟遊天下﹞)

想行呢座天梯小山,首先從九龍灣MTR B出口往天橋方向,直接走到彩盈邨,經屋邨旁的升降機接上彩福邨。之後沿彩榮路上山,在彩榮里的盡頭便開始走上天梯,到標高柱後轉右往佐敦谷公園(20分鐘路程),隨後見分支往左走便是公園入口。

佐敦谷公園
山路景色好靚。(圖片來源:山系小達人﹝雞丁暟遊天下﹞)

前往方法2:經天梯小山和小朋友郊遊

佐敦谷公園紅葉|大片草地野餐好去處

行山放電過後,可以搵個好位置野餐。平日的日子來到佐敦谷公園,人流唔多,基本上可以在草地上滾都得~

佐敦谷公園
(圖片來源:和牛媽媽)

自然保育園地同簕杜鵑園都有好多超靚嘅花甫,可以說是拍照最佳位置。迷宮花園小朋友亦好鍾意係入面走嚟走去。

佐敦谷公園
自然保育園地(圖片來源:康文署)

佐敦谷公園紅葉|兒童遊樂區+遙控模型賽車場

佐敦谷公園兒童遊樂區,適合唔同年齡組別嘅小朋友,仲有鞦韆區有四組鞦韆。有幼兒滑梯,亦有讓小朋友動腦筋嘅攀爬遊戲。另外有適合幼兒嘅遊戲區,有幼兒滑梯組,有同音樂有關嘅小遊戲。

佐敦谷公園
(圖片來源:和牛媽媽)

而佐敦谷更設有遙控模型賽車場,適合爸爸們飛車,可以帶埋模型車去玩。

佐敦谷公園
(圖片來源:康文署)

佐敦谷公園紅葉|交通方法

路線:由九龍灣地鐵站出發,經彩盈邨上山,到標高柱後轉右往佐敦谷公園

搭車上山:彩虹站轉乘巴士,由順利邨巴士總站落車,約5分鐘

行山難度:★★☆☆☆

所需時間:約1小時 (包括攝影和休息時間)

距離:約1.8公里

參考:康文署網站

佐敦谷公園
行山可參考此地圖(圖片來源:山系小達人﹝雞丁暟遊天下﹞)
佐敦谷公園
行山可參考此地圖(圖片來源:山系小達人﹝雞丁暟遊天下﹞)

行山要從哪裏出發?

九龍灣地鐵站,詳細行山路線:詳情

香港紅葉好去處推介?

除了大棠外,香港還有不少地方都有紅葉盛放,今次為大家介紹9個紅葉熱點,遍佈香港九龍新界,如烏蛟騰、九龍寨城公園等,詳情

撰文:肉丸朗之快樂日常、山系小達人﹝雞丁暟遊天下﹞、和牛媽媽、康文署圖片來源:肉丸朗之快樂日常、山系小達人﹝雞丁暟遊天下﹞、和牛媽媽、康文署