全球首間Hello Kitty中菜登陸佐敦

親子好去處

廣告

吉蒂迷注意! 全球首間Hello Kitty中菜廳已經在佐敦開張了!

餐廳位於佐敦廣東道,位置比較偏僻(近官涌街市),而且還在準備階段,要到4月16日才開始試業(試業期為4月16日至5月31日),但記者今日到訪已經有不少途人入內或致電查問訂位詳情。據餐廳公關透露,餐廳要到4月16日才正式對外開放,暫時亦不接受訂位,要朝聖的話就要16號過後乖乖來排隊了!

為了滿足各貓迷好奇心,就等我哋帶你率先睇下Kitty中菜軒的可愛食物同裝修啦!

個人覺得最「卡娃依」的一定係Kitty點心系列。 包類的造型做得最神似,連馬拉糕都做到個個貓樣,見到有啲唔捨得食。

店中還有六大名菜,其中紅蘋果雞絲飯造型吸引,用了蘋果配茄汁做汁料,好啱小朋友口味。

意外是店內對茶的品種也相當講究,店內特設Hello Kitty名茶,可以在雲霧有機綠茶、有機水仙白茶、野放手工黃茶、雲南金尖滇紅、有機正欉武夷水仙、正山古樹普洱之中任擇其一(每壺$50,另加茶芥),集中國各地名茶於一身。

店內裝修是最吸睛的部分,因為全部kitty以中式造型出現,世界各地也罕見,各位粉絲嚟到一定影到手軟。

連侍應也有Kitty裝! 不過唔係行可愛路線,走端莊形象,十分討好。

店內還有一「林檎閣」貴賓廂房 (設最底消費$5,000/3小時),房間細細可容納12人。可這裏是必影「景點」,因為牆上掛了四張Kitty造型的四大美人國畫,唔包房都一定要來印賞下。

四大吉蒂美人, 你又識唔識分邊個係西施、楊貴妃、貂蟬同昭君呢?

Hello Kitty中菜軒

地址:佐敦廣東道332至338號利來洋樓地舖A至C

電話: 8202 8203

營業時間:11am-11pm

備註:設加一,茶介每位$12,白飯/白粥每位另加$16,切餅費每檯$120

 

常見問題

有甚麼親子活動推介?

行山野餐、參觀博物館親子農莊、參加工作坊等都是不錯的親子活動。盡情放電後更可以去親子餐廳用膳,兒童餐廳各有特色,絕對是假日消遣的必然之選!

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:室內遊樂場合集,當中包括:自助烘焙店室內釣蝦、釣魚場推介,落雨天都唔愁無地方去,大人小朋友都可以大玩特玩!

你又點睇?