勞蘇

勞蘇葵芳新都會過聖誕!3米高勞蘇+150呎長燈海+粉紅色花海 任你打卡

親子好去處

廣告

勞蘇葵芳聖誕工場|今個聖誕,葵芳新都會廣場邀請咗士多啤梨熊勞蘇嚟同大家一齊過聖誕!由11月12日起至明年1月2日,讓大家可盡情係士多啤梨工場與3米高大尺寸勞蘇打卡,仲有5大主題專區,同埋夜晚燈飾,俾你同勞蘇過一個浪漫嘅聖誕!

勞蘇葵芳聖誕工場|5大勞蘇打卡位 超長燈海巨型公仔

這次以勞蘇為主題的聖誕士多啤梨工場有五大打卡位,四周都可以睇到勞蘇嘅身影!除咗有3米高巨型勞蘇,仲有、5米高嘅勞蘇聖誕樹同花海,一齊嚟睇吓有咩打卡位啦!

勞蘇
(圖片來源:Sundaykiss編輯部)

打卡位1. 3米高草莓「採摘」區+超萌充氣士多啤梨

走入露天廣場,迎面而來就見到巨型勞蘇頭像。勞蘇隔離就係3米高嘅「動『莓』一刻互動專區」,小朋友可以將士多啤梨摘落嚟,同佢哋一齊打卡!專區後面還有很多大型的士多啤梨氣球,可以拋起士多啤梨同佢哋合照,超級可愛!

勞蘇
(圖片來源:Sundaykiss編輯部)
勞蘇
(圖片來源:Sundaykiss編輯部)

打卡位2. 3米高巨型勞蘇+9米長毛茸茸長廊

係「毛茸茸長廊」可以同勞蘇合力整士多啤梨食品,3米高的巨型勞蘇就企係長廊入口處!長廊長9米,毛茸茸嘅長廊好似勞蘇嘅身體,勞蘇得意嘅pat pat突咗出嚟,小朋友可以同佢 擁抱!牆身還有多款士多啤梨造型燈飾,Sweet到爆總有一款你鐘意!

勞蘇
(圖片來源:Sundaykiss編輯部)

打卡位3. 超過150呎長勞蘇霓虹剪影燈海

商場夜晚有更多炫目的燈飾,3樓的戶外星光長廊上有超過150呎長的聖誕燈飾,由24組閃令令的勞蘇剪影燈組成,懸掛係半空中嘅燈海超級浪漫,營造出滿天星光的夜景,大人小朋友可以一齊影張相留念。

勞蘇
(圖片來源:Sundaykiss編輯部)

打卡位4. 逾5米高勞蘇光影聖誕樹

高5米的聖誕樹由多個粉紅色木箱組合而成,樹上掛滿各式各樣閃爍的飾物,可愛嘅勞蘇一早已經係樹上面等緊我哋!聖誕樹配以Berry Christmas 燈牌,在夜空中散發濃厚的節日氣氛,士多啤梨工場日同夜都有唔少打卡位,勞蘇粉記住唔好錯過啦!

勞蘇
(圖片來源:Sundaykiss編輯部)

打卡位5. 夢幻甜美花海 過萬朵鮮花

今年聖誕唔只有勞蘇,仲有超夢幻的花海陪你過聖誕節!3樓露天花園將會有層梯式的花圃,逾萬朵新畿內亞鳯仙,以及各種粉嫩鮮花在梯級上組合成弧形的花海,非常莊觀。梯間還有士多啤梨汁流下的圖案,帶小朋友走進聖誕士多啤梨熊世界!

勞蘇
(圖片來源:Sundaykiss編輯部)
勞蘇
(圖片來源:Sundaykiss編輯部)

勞蘇葵芳聖誕工場|期間限定店 日本直送勞蘇精品

為滿足一眾勞蘇及迪士尼粉絲,商場特設期間限定店,搜羅合共逾600件獨家限定新貨及日本直送的勞蘇、《反斗奇兵》及迪士尼精品,一眾勞蘇以及迪士尼粉絲可以盡情搶購心頭好!期間限定店更設勞蘇打卡位,粉絲們可與勞蘇大拍可愛合照留念。

勞蘇
(圖片來源:Sundaykiss編輯部)

勞蘇葵芳聖誕工場|消費換限定勞蘇精品 口罩套+玻璃樽

同場加映多項消費禮遇,新都會廣場於11月特意準備獨家消費獎賞,只要憑指定The Point會員積分及即日電子貨幣消費,或一般顧客憑指定即日電子貨幣消費,即可換領勞蘇限定精品,包括既可愛又實用的口罩連同口罩套和真空玻璃瓶。快啲帶勞蘇返屋企啦!

勞蘇
(圖片來源:新都會廣場官方圖片)

「Berry Christmas in LotsoLand」 聖誕草莓熊世界

地址:葵涌興芳路223號

日期:11月12日起至2022年1月2日

查詢電話:2429-6500

網址: www.metroplaza.com.hk

常見問題

問:勞蘇工場開放日期是?

答:11月12日起至2022年1月2日

問:有沒有勞蘇的pop-up store?

答:有

勞蘇工場開放日期是?

11月12日起至2022年1月2日

有沒有勞蘇的pop-up store?

撰文:新都會廣場官方圖片來源:新都會廣場官方、Sundaykiss編輯部