城門水塘

城門水塘3大親子行山徑:環塘徑+金山家樂徑+菠蘿壩教育徑 新年行大運!

親子好去處

廣告

城門水塘3大親子行山徑推介|農曆新年假期,不如趁天氣好,去行山行返個大運啦!今次精選城門水塘3條可以行大運遠足路線,路程簡單,需時1至4小時不等,全程平路,易行風景靚,於山林中呼吸清新的空氣作森林浴,為新一年沐浴身心,補充身體的正能量,當然達到行大運之效!

【溫馨提示】郊遊時,要尊重自然環境,不要留下垃圾。另外,郊遊前一定要做足準備,量力而為,注意路線難道級別,不要獨自一人出行。安全至上,一同享受這城市的美好風景。

城門水塘行山路線1 金山郊野公園(家樂徑)

金山家樂徑所在的金山郊野公園,大部分範圍都屬九龍水塘集水區,行山可同時飽覽九龍水塘、孖指徑、獅子山和部分海港,沿途已經可以見到猴子成群,風景優美。從大埔道沿金山路步行約20分鐘,便可到達該家樂徑的起點。

城門水塘 金山郊野公園
金山郊野公園(圖片來源:新傳媒資料庫)
金山郊野公園(大埔道入口)
路徑全長 約 1 公里
全程需時 1小時
交通 在石梨貝水塘車站下車,沿金山路步行約20分鐘便可到達金山家樂徑的起點

城門水塘行山路線2:城門水塘(環塘路徑)

又唔想行得咁辛苦,城門水塘的環塘路徑一定是不二之選!城門水塘周邊的遠足路線繁多,主線是一道平坦的環塘路徑,平坦易行,上落不多,全程約 8.5 公里,途中有樹木遮蔭,亦有不少休憩點可供休息。城門水塘塘畔廣植白千層,在塘水滿溢時,白千層倒影處處,不少電視劇也來這裏取景,靚景靚樹吸引不少遊人 前來遊覽!

生態樂園

沿著遠足徑而走,會經過大城石澗,綠草如茵,是最佳的拍照景點!城門水塘是有名的生態樂園,秋冬最多雀鳥及蝴蝶,大批候鳥前來過冬。城門水塘菠蘿壩為起點, 附近有小食亭及公廁,上樓梯便到達平坦易行的菠蘿壩自然教育徑,行約10分鐘便看到蝴蝶園,園內種植了多種植物,吸引多種蝴蝶繁殖!

野餐勝地

行到攰,要食啲嘢充電,點可以錯過呢個靚景野餐勝地呢?背樹面湖,一大片綠草同新鮮空氣陪住你森林浴,啲嘢自然特別好食啦!

城門水塘 去到水塘一半的轉角位開始,就幾有個巨型塘畔草地及石澗, 是野餐選址的最佳地點!
去到水塘一半的轉角位開始,就幾有個巨型塘畔草地及石澗, 是野餐選址的最佳地點!(圖片來源:新傳媒資料庫)
城門水塘(環塘路徑)
路徑全長 約8.5 公里
全程需時 4小時
交通 荃灣兆和街乘 82 號小巴至城門水塘菠蘿壩小巴站下車

城門水塘行山路線3:城門水塘-大埔道

又係城門水塘?其實城門水塘有好多條行山路徑㗎,如果覺得環塘路徑無挑戰性,咁可以揀呢條啦!由荃灣往大埔,搭港鐵要兜大圈,原來行山可直線由城門行到大埔,需時三至四小時,沿路飽覽城門水塘風光。城門水塘菠蘿壩為起點,附近有小食亭及公廁補給所需,上樓梯便到達平坦易行的菠蘿壩自然教育徑!

碗展覽館

沿衛奕信徑下山路段較不規則,有石級和山路,需小心行走,沿途可遠眺大埔市區,行約40分鐘後走入達運道,到達碗村及樊仙宮,兩者屬香港法定古蹟之一。碗展覽館,內有青花瓷器及各項生產陶瓷工序的遺蹟,一家大細可以大開眼界啦!

城門水塘(大埔道)
路徑全長 約8.9公里
全程需時 4小時
交通 荃灣兆和街乘82號小巴,城門水塘菠蘿壩下車

行山遇馬騮注意事項

其實同小朋友一齊行山睇馬騮有無問題呢?馬騮會唔會攻擊小朋友啊?馬騮的心態是:人不犯我,我不犯人,行山遇著馬騮,千萬不要尖叫大叫,也要避免和他們四目交投,因為會令他們覺得眼神具挑釁性,咁就麻煩啦!另外,可以行山前,準備行山杖或樹枝,萬一觸怒馬騮,我們也可揮動手上「武器」作勢保護自己,他們便會漸漸走遠。

另外,原來在90年代,餵飼野生馬騮還是合法的,至今餵猴卻要申請牌照。故行山時,無牌餵飼馬騮是犯法的。而且餵咗一隻馬騮,就會有千千萬萬隻馬騮走埋嚟,加上我地拎住膠袋餵飼的行為已深入猴心,故行山時我們最好將食物收入 背包內,以免令馬騮會錯意!

撰文:Fiona Fong 圖片來源:新傳媒資料庫