幪面超人

【親子好去處】尖沙咀幪面超人20週年展覽

親子好去處

廣告

《幪面超人》系列已經播映咗好多年,簡直係陪伴住唔少人長大,特別係唔少80後同90後嘅童年回憶!最近,尖沙咀就舉行「平成幪面超人20週年 X CSM 展覽」,展覽會展出超過20款嘅變身腰帶同腳印踏板,啱晒家長帶埋小朋友去感受自己童年時變身嘅樂趣,去了解歷代幪面超人騎士嘅英雄足跡!

撰文:Kammy|圖片來源:相關機構提供

「平成幪面超人20週年X CSM展覽」重現經典

為紀念平成幪面超人播放第20部作品,《幪面超人》20周年展(香港站)將於即日起至3月10日喺尖沙咀LCX登場,展覽仲會仿照去年日本新宿車站嘅展場,重現20位平成幪面超人嘅腳印踏板,畀一眾粉絲感受到歷代幪面超人騎士嘅英雄足跡。

2000年至2019年推出嘅《幪面超人》被稱為《平成幪面超人》,每年都有一位主角超人誕生,而佢哋都會配有獨特嘅變身腰帶,屆時展覽將展出超過20款平成幪面超人系列嘅變身腰帶,當中部分更已絕跡市場,而且仲會展出多款幪面超人腳印踏板!

此外,今次展覽更將展出5條「專為成年人打造的變身腰帶」,以及《幪面超人》嘅最新商品。

免費下載幪面超人手機桌布

是次活動更有20款期間限定嘅平成幪面超人手機桌布,只需要到訪LCX 10個指定地點,再掃描相關QR Code,就可以立即免費下載,每個地點更可以下載唔同款嘅幪面超人手機桌布!

幪面超人達人分享會

大會將於3月9日邀請香港幪面超人達人刀鋒及Douglas親臨現場,介紹20位平成幪面超人的歷史,示範變身及經典場面,讓在場人士一同感受CSM系列腰帶獨特嘅魅力。此外,大會將舉辦「平成幪面超人連續變身比賽」,以召集所有幪面超人粉絲重現哄動日本及台灣嘅連續變身活動,參加者可得到即將上映的《幪面超人平成Generations Forever》電影之限量紀念書刊,最佳變身者更可得到「任天堂Switch遊戲主機連手掣」1套!

活動詳情

平成幪面超人20週年 X CSM 展覽

日期:即日起至3月10日

地點:LCX海港城海運大廈3階

開放時間:10:00-22:00

 

幪面超人達人分享 會 X平成幪面超人連續變身比賽

日期:2019年3月9日(星期六)

時間:15:00 – 18:00

名額:40