摸蜆

摸蜆四大熱點 最快樂的親子活動

親子好去處

廣告

摸蜆係日本幼稚園旅行最常見的親子活動!其實本港每年4月至10月,都係摸蜆嘅高峰期,時間主要每日日落前,約下午3pm至6pm,潮汐漲退因地點而各有不同,出發前需上天文台網站查詢。周末自己親手去泥灘摸蜆 ,睇吓靚風景,愉快度過快樂午後!

撰文:李永釗、林斌 | 攝影:Clay Lam、Paul Choi、溫俊鏘、黃大立

水口村 景靚配套足

摸蜆
隨着太陽開始下山,泥灘反映着陽光,在這個環境下摸蜆或者和小朋友一齊玩,確實是美景。

香港的 摸蜆 泥灘有好多,特別在大嶼山,貝澳、大澳及水口等等,當中水口村近年成為摸蜆的熱點,平時好多人去,令到泥灘周圍都有好多摸蜆的配套,由東涌轉巴士或的士前往水口村網球場附近落車,車程約二十分鐘左右,落車行到泥灘只需三分鐘,來到即刻見到有士多,除了買麵食汽水作摸蜆中途的補給外,士多內還有摸蜆裝備出租,一套包矮凳、鐵扒和水樽。摸蜆要趁潮退時間,水口的泥灘非常大,約有六至八個標準足球場的大小,從士多望過去,非常廣闊,沿住泥灘行出去,愈近海邊愈大機會摸到蜆,揀啱地點就可以開始扒開泥沙,一行人在近海地點位置摸了半個鐘已經有好多蜆,當中還包括兩隻大蜆,收穫豐富,大家就可以拿着戰利品回到士多,俾少少錢讓他們幫你即時炮製,望住廣闊的藍天大海一邊品嘗自己摸到的蜆,真是別有一番風味。

就算唔帶摸蜆工具,來到士多租用都得。(租金約$20)
就算唔帶 摸蜆 工具,來到士多租用都得。(租金約$20)
{"IPTC-DATA":"NMG","data":{"photoID":2170924}}
揀好地點就可以着手扒開泥沙,大概挖十公分深就 知道有沒有收穫,如果收穫唔多,就立刻轉地點。
Untitled-1
大家唔想晒力的話,租用大扒可以快速開泥沙,事半功倍!
沙灘旁的士多有麵食汽水等補給品,還有很多摸蜆的配套。
沙灘旁的士多有麵食汽水等補給品,還有很多摸蜆的配套。
_MG_1319
有名你叫大蜆,所以普遍都大過5蚊銀!
大蜆清蒸夠鮮甜,細蜆用豉椒爆炒夠惹味!
大蜆清蒸夠鮮甜,細蜆用豉椒爆炒夠惹味!

 

前往方法:

到東涌巴士站乘11號巴士或的士前往水口村(近公廁位置)落車,再穿過小徑前往,離開方法亦一樣。

白石 水清沙幼兼多蜆

城中四大摸蜆熱點 最快樂的親子活動
有靚沙灘景相伴,玩水亦唔錯,不過由於冇地方俾你換衫,所以最好唔好濕身!

想 摸蜆 但唔想入咁遠嘅,其實地點較為就腳嘅沙田區亦有兩個好出名嘅 摸蜆 好地方!經常聽沙田友話烏溪沙好多人摸到一大桶,於是筆者又親身入去考證下。烏溪沙有兩個地方有得摸蜆,一個就係白石,一個就係泥涌。前者雖然都近烏溪沙馬鐵站,行過去都唔使十分鐘,但由於白石個泥灘並未被開發,所以係冇救生員、冇士多及裝備租借,要自己帶備所有物資前往。筆者前往當日為閒日,整個泥灘大約有兩至三個足球場咁大,加埋都唔過20人,在水邊位置摸了大概個半鐘,已經有半個大桶嘅收穫,但蜆種普遍較為細隻,似平時街市見到嘅砂蜆。另外再加上本身隱世泥灘嘅怡人靚景,實為摸蜆好去處!

記得帶埋私伙裝備去,小朋友用沙灘玩具較安全,而大人用嘅園藝扒及鏟較貴,雜貨舖買都要$40至$50。

{"IPTC-DATA":"NMG","data":{"photoID":2009014}}
到場在海邊不停摸就搵到,泥灘地方夠闊沙泥比較腍,小朋友可以放任跑都冇事。
收穫以平時最常見的砂蜆居多,同時也間中有一 兩粒較大的沙白,這半桶就摸了個半鐘。
收穫以平時最常見的砂蜆居多,同時也間中有一兩粒較大的沙白,這半桶就摸了個半鐘。

前往方法:

乘馬鐵烏溪沙站步行約10分鐘,或自行駛車在往白石俱樂部的小路中段下車向右落小山坡。

下白泥 睇日落摸蟶子

近日落時間,泥灘泛起金光,正是下白泥的招牌靚景。
近日落時間,泥灘泛起金光,正是下白泥的招牌靚景。

流浮山的下白泥,出晒名有靚景又浪漫,而且還是一個摸蟶子的熱點,在近黃昏的時分,斜陽映照泛金的泥灘,絕對令你驚喜。不過要留意沙灘附近的士多平日大多數唔開,所以要預備好水等補給品及自攜 摸蜆 工具。來到泥灘,平日並不多人,但下白泥的景色確實一流,沙灘和近海的泥灘融合,水流在岸邊形成一條河,中間又有一個小小的綠洲,屬影相的熱點。沿着泥灘行出去摸蜆,收穫比水口少好多,但只要留意泥灘中的一個個小孔,被水覆蓋時候孔內會有水泡冒起,就證明孔內有蟶子。之前新聞報道有人拎粗鹽去引蟶子,破壞生態環境,不過村民表示,用工具都可以挖到蟶子,在這些孔的地點挖大概廿公分深,就有機會找到,我們用該方法大概嘗試了十多個小孔,成功找到兩隻蟶子,雖然過程比較辛苦,但摸到蟶子的成功感加上在此日落的美景之下,個人都心情好啲。

來到下白泥,可以的話當然要等埋最美的日落景。
來到下白泥,可以的話當然要等埋最美的日落景。
小心留意水面不難會找到蟶子的蹤影,不過當日找到的蟶子都比較細隻,最後決定放生。
小心留意水面不難會找到蟶子的蹤影,不過當日找到的蟶子都比較細隻,最後決定放生。

前往方法:

於元朗市中心的泰豐街乘綠色33號專線小巴,過了流浮山迴旋處,於鴨仔坑下車,沿海灘方向走十五分鐘左右到達。

泥涌 蠔殼多過蜆

{"IPTC-DATA":"NMG","data":{"photoID":2009015}}
景色的確怡人,但唔好期望摸到一籮兩籮蜆咁走。

聽聞白石附近嘅泥涌都係 摸蜆 勝地,位置大約在西沙茶座附近,風景的確唔錯,有小溪流水,但衰在地下就一係爛泥一係碎石,連深水位亦多碎石,穿拖鞋的筆者及攝影師亦覺得腳板陣陣刺痛,原來地下蠔殼猶如地雷陣,難怪在場人士多穿水鞋或白飯魚。筆者眼見在場摸蜆人士都只得蜆仔三兩隻,一問之下原來已經摸咗個幾鐘,記者親身摸了個半鐘左右亦係得個吉。雖然睇黃昏係唔錯,但就摸蜆來講,呢度絕對中伏!

IMG_6605
個灘太多石仔,寸步難行。
摸咗勁耐先得一粒咁大把,仲要係激細隻,大小朋友都好失望。
摸咗勁耐先得一粒咁大把,仲要係激細隻,大小朋友都好失望。
個灘蠔多過蜆,如果着拖鞋就真係一步一驚心,拖鞋俾爛泥拉斷,腳趾亦俾蠔殼刺中出血。
個灘蠔多過蜆,如果着拖鞋就真係一步一驚心,拖鞋俾爛泥拉斷,腳趾亦俾蠔殼刺中出血。

前往方法:

乘馬鐵烏溪沙站步行約20分鐘,或轉乘807小巴於西沙路落車過對面。