朗豪坊戲院請1月壽星睇戲

1月壽星有著數啊！旺角朗豪坊 Cinema City 為慶祝 1 周年活動，搞咗個「Cinema City 朗豪坊 1 周年生日慶典」！由即日起至1月31日期間，只要你係 1 月份生日，生日當日可以免費去Cinema City睇戲（最少二人同行及購同一場次之戲票），適用於當日任何電影（不包括 4DX 戲飛），不過就淨係壽星先有得免費，同行親友就要自費啦！另外，1 月壽星仲可於優惠期內，以優惠價 $100 加入成為會員，即場送多你一張戲票贈券。