油麻地一日遊｜6大親子好去處砵蘭街粉紅花園+果欄+一級歷史紅磚屋

Oct 6 2021

油麻地站一日遊｜最近旺角砵蘭街公園翻新，變成全新的粉紅花園，吸引不少人去打卡。想帶小朋友去行一行，又唔想淨係去打卡？有Blogger分享咗同小朋友一齊去粉紅公園打卡，同小朋友去油麻地一日遊行程，六站加埋的路線剛好是一個圈，媽媽們不妨參考一下！

圖文授權：工程師媽媽學堂｜編輯：Billie

1. 油麻地站一日遊｜第一站：城中熱話砵蘭街粉紅花園

第一站是最近成為城中熱話的砵蘭街粉紅花園，只要在油麻地站B2出口，過馬路轉右，2分鐘內便直達。砵蘭街粉紅花園不管是牆面或是桌椅都塗上了粉紅色，桌子上還有粉紅色的棋盤，小朋友可以自備棋子去玩。全粉紅的風格非常特別啱哂打卡，當日Blogger媽媽特登着哂全套粉紅色衫去打卡，夠哂Fashion。Blogger媽媽非常喜歡這個跳出框框的設計，香港創新的公園越來越多，總有一個在左近。不過天氣較熱時，公園不宜久留。

油麻地站一日遊｜砵蘭街休憩花園

地址：旺角砵蘭街

開放時間：24小時開放

2. 油麻地站一日遊｜第二站：油麻地果欄淺度遊

離開公園後，可以去到油麻地果欄。油麻地果欄以有很多種類的新鮮生果聞名，不少行家都會特意去果欄尋找新鮮水果。此外果欄裏有不少流浪貓，因為貓咪會幫忙捉老鼠，不少檔主都會餵養牠們，去到果欄不妨找找他們的蹤影。帶小朋友走入果欄可以學會水果的知識，不過要在果欄淺度遊，其實不是一件易事，因為人太多了。Blogger媽媽有個心得分享，不要隨波逐流，可以由後門行入去，再在中段離開，一啲都唔洗迫。

油麻地站一日遊｜油麻地果欄

地址：油麻地新填地街202號

開放時間：營業時間不定

3. 油麻地站一日遊｜第三站：一級歷史建築紅磚屋

下一站是在附近的紅磚屋，紅磚屋本身是一級歷史建築，它的前身是水務署抽水站工程師辦公室。紅磚屋整體不對外開放，但有間小房間，有小遊戲玩，有片睇可以學歷史，可愛的卡通很受小朋友歡迎。這間紅磚屋無導賞團，如果想了解更多關於香港碩果僅存的紅磚屋，可以去土瓜灣的牛棚。不過充滿英式風格的外觀同樣是不錯的打卡位，站在紅磚屋前拍照，就好像置身英國一樣！

油麻地站一日遊｜油麻地抽水站宿舍

地址：九龍油麻地上海街344號

4. 油麻地站一日遊｜第四站：油麻地全新圖書館

接下來可以去油麻地公共圖書館屬中型圖書館，於今年年初才開幕，館內收藏了大量全新書，系列圖書非常齊全，仲有好多小朋友至愛嘅繪本。天氣咁熱，不妨帶埋小朋友去打書釘！帶定住址證明和小朋友身份証，可以幫小朋友開埋借書證，咁就可以借多幾本書。圖書館內有多媒體資料圖書館、電腦資訊中心、咖啡閣等，可以和小朋友度過一個悠閒的下午。