海洋公園聖誕

海洋公園聖誕市集$10入場 魔術表演+巨型聖誕樹亮燈+聖誕掛飾工作坊

親子好去處

廣告

海洋公園聖誕市集|聖誕節海洋公園推出$10聖誕市集!只要俾$10入場費就可以入海洋公園行市集睇巨型聖誕樹亮燈,還會有聖誕老人派禮物,可以同佢合照!仲可以加錢參加聖誕工作坊、睇世界級嘅魔術表演、見大熊貓同金絲猴。如果想入園玩埋其他機動遊戲,仲有聖誕優惠套票買,比一般門票更平,係海洋公園過一個最Chill嘅聖誕!

更多倒數好去處

海洋公園聖誕市集|$10入場去聖誕市集

想平平地過聖誕?可以入海洋公園聖誕市集!聖誕小鎮入場門票只需要$10蚊入場費喳,除了逛逛歐洲風的聖誕市集之外,仲可以睇埋表演,同靚靚聖誕裝飾影相打卡!

海洋公園聖誕
(圖片來源:海洋公園)

場內有巨型聖誕樹和雪花玻璃球等佈置,超級有聖誕氣氛。

(圖片來源:海洋公園聖誕)
(圖片來源:海洋公園)

海洋公園聖誕市集|睇聖誕樹亮燈+聖誕老人合照

購買門票之後,可於下午2至8點單次進入「夢幻水都人工湖」及「海濱樂園廣場」。有市集和聖誕樹以外,還有不同類型的聖誕表演項目。

(圖片來源:海洋公園聖誕)
閃亮聖誕派對(圖片來源:海洋公園)

每晚6點半舉行「閃亮聖誕派對」睇聖誕樹亮燈,有聖誕老人派禮物同小朋友合照;8點則會有「光影都會」光雕表演。另外還有快閃表演唔好錯過啦!

海洋公園聖誕
光影都會(圖片來源:海洋公園)

海洋公園聖誕市集|額外收費項目 見大熊貓和金絲猴+世界級魔術表演

想節目再豐富啲,比多啲嘢小朋友玩,只要另加$60及$40,便可分別進入「海洋奇觀」及「香港賽馬會四川奇珍館」,欣賞各種珍貴魚類,同大熊貓安安和金絲猴見面!

海洋公園聖誕
(圖片來源:鯨魚‧蝦子媽咪親子log)

如果想睇魔術表演,可以加多$180入場睇Louis Yan嘅世界級魔術表演。

海洋公園聖誕
(圖片來源:鯨魚‧蝦子媽咪親子log)

海洋公園聖誕市集|3種聖誕工作坊 學魔術/DIY聖誕掛飾/簡單花藝

或者另外比錢參加節日工作坊,有「魔法學堂」、「Chill聖誕動物手作坊」、「聖誕花藝師」,魔法學堂能學習紙牌魔術,聖誕動物手作坊小朋友可DIY聖誕掛飾,認識3種海洋公園的保育動物:鹿角珊瑚、綠海龜和金裳鳳蝶。

海洋公園聖誕
(圖片來源:鯨魚‧蝦子媽咪親子log)

海洋公園聖誕市集|多個美食攤檔 應節聖誕小食

現場仲有多個美食攤檔pizza、超長炸蝦熱狗、未來漢堡、德國腸、日式串燒、連cocktail 、啤酒都有,價錢唔貴又幾好味。想食特別啲可以去冰極餐廳,另外 Lakeside Chill Bar、水都餅店及各小食亭都有好多聖誕特飲、小食和甜品,應節可愛又好味。

海洋公園聖誕
(圖片來源:鯨魚‧蝦子媽咪親子log)

海洋公園聖誕市集|聖誕優惠套票 送電子現金券

想玩埋其他機動遊戲,可以買聖誕優惠套票,都係$360/成人;$216/小童,門票之外還送你園內購物電子現金券,係海洋公園過一個最Chill嘅聖誕!唔同套票唔同活動,建議去返海洋公園官網睇清楚。

海洋公園聖誕
(圖片來源:鯨魚‧蝦子媽咪親子log)

海洋公園聖誕市集

地點:海洋公園

開放日期:2021年12月18日至2022年1月2日

門票類別 價錢
聖誕小鎮入場門票 $10
聖誕優惠套票 $360
Louis Yan魔法狂想(名額有限) $80 (只適用於遊覽當天憑聖誕優惠套票/標準門票/生日或福利門票、「智紛會員入場證」或「無限FUN入場證」進園之人士購買)
Louis Yan魔法狂想(名額有限) $180 (只適用於遊覽當天憑聖誕小鎮入場門票進園之人士購買)
節日手作坊(名額有限)

-魔法學堂 & Chill聖誕動物手作坊

-聖誕花藝師

$100 / $50 / $180 / $120
海洋奇觀 $60
香港賽馬會四川奇珍館 $40

海洋公園聖誕市集需要付入場費嗎?

需要,海洋公園聖誕市集需付入場費。入場費詳情

除了海洋公園聖誕市集外,還有其他聖誕市集推介嗎?

除了海洋公園聖誕市集外,還可以帶同小朋友去精選全港7大聖誕市集2021

撰文:鯨魚‧蝦子媽咪親子log、海洋公園圖片來源:鯨魚‧蝦子媽咪親子log、海洋公園