澳門好去處｜4層高Playhouse探險放電 繩索+攀岩+4米高滑梯+電動車
廣告
澳門好去處｜踏入夏天，香港澳門嘅天氣都相當唔穩定，時不時都有驟雨。但如果去澳門快閃旅行先嚟落雨，令到原本計劃好嘅行程通通都要叫停嘅話，相信一定令人好掃興！不過近年澳門亦有唔少精彩室內活動推出，就算落雨都可以玩得好盡興！即刻睇下Blogger 「Jasmine & Mama – Kathryn 小喬」為大家分享新濠影匯嘅室內遊樂場啦！
資料、圖片來源：Jasmine & Mama – Kathryn 小喬｜編輯：Laundy
澳門好去處｜落雨必收藏的後備方案
趁住昨日學校假期，Blogger 「Jasmine & Mama – Kathryn 小喬」快閃咗澳門兩日一夜。因為天雨關係冇得玩公園，所以全部行程都留喺室內。澳門之旅第二站去咗新濠影匯，都新新地嘅滿紛樂園又大又多嘢玩，一個票價可玩足一日，可以盡情放電！只限入場一次，最好醫好肚先入嚟呀！樂園分咗4層，共5大區域，我哋先玩咗最多遊玩設施嘅L3樓層。
澳門好去處｜山岩主題區
由於人唔多，可以即時預約即時玩。
猴子繩堡：以繩索障礙挑戰構成，有13個台階同17項唔同障礙場地。小朋友可以喺下面玩，有工作人員照顧，而我就上咗上面嗰層挑戰自己。
竹林登梯：運用平衡力，跨越12條唔同高度嘅柱子，終點最高達垂直4米的。
赤手登峰：有6條6米高唔同難度嘅攀岩路線可攀登。
澳門好去處｜叢林主題區
奇趣樹屋，由繩結橋連接3座大型樹屋，頂層仲有4米高嘅滑梯，連接五樓樹屋餐廳。開頭以為滑梯咁長會好驚，點知原來諗多咗，完全唔驚。
叢林反斗車，可以駕駛電動車於叢林及奇趣樹屋下嘅隧道奔馳。
樹屋餐廳及電玩區位於L5，玩到攰可以去休息一下嘅地方。另有電玩遊戲玩，及輕食售賣。
澳門好去處｜海底主題區
泡泡紛FUN堡佔地2,400平方呎，滙集 50組遊戲點，包括阻礙挑戰、滑梯、波波池，淨係呢度都有排玩。
浪花彈彈塔，高達5米嘅自由落體機動遊戲，Jasmine話好刺激但係又好好玩，連續玩咗幾次。
澳門好去處｜外太空主題區
星球波波池位於L6，比較適合幼兒玩。
澳門好去處｜太空站主題區
太空彈彈網，以垂直通道連接6樓同7樓，可以於彈彈網任意遊走、彈跳、躍飛、攀爬。
炮彈發射台，可用波波球發射小炮彈，穿越機關軌道牆，了解物理重力如何運作。
圖片來源：Jasmine & Mama - Kathryn 小喬、新濠影匯
