【現場直擊】《魔雪奇緣》冰雪小鎮5大驚喜位

Jun 11 2015

香港迪士尼樂園自從公布話會開設以《魔雪奇緣》為主題的冰雪小鎮後，大人細路都引頸以待，小鎮終於由今日起至8月30日正式開放!開放首日不少傳媒及嘉賓(當然包括我哋啦)率先試玩! 小鎮全屬室內場，地方不大，但集齊了卡通最精彩的元素，有5大驚喜位可以率先同各位分享。

驚喜位一. 全新劇院睇音樂劇‧同唱Let it go

冰雪小鎮最令小朋友尖叫的是全新的「《魔雪奇緣》皇冠大劇院」，愛莎女皇、安娜公主及基斯托夫會親身出現表現音樂劇，大唱劇內歌曲《Do You Want to Build a Snowman》、《Love is an Open Door》及《In Summer》，現場小朋友迅間投入，愛莎更會同台下小朋友唱神曲《Let it Go》，加埋飄雪、噴煙等舞台效果，短短20分鐘已叫在場小友瘋狂。

驚喜位二.坐雪橇瀡冰梯

全場最大賣點，當然是大然天時但小鎮處於冰雪狀態，在「夏雪節廣場」有人造雪俾小朋友砌雪人，「雪橇練習場」內仲有得玩雪橇，可以在四條冰雪斜道上滑行，好似去咗哈爾賓冰雪節一樣。

驚喜位三.Cutie小食

小鎮內唔單止有得玩，仲有全新小食，大部分以可愛小白做主角: 小白檸檬撻、小白杯裝蛋糕、小白脆脆，不過最搶手的都係有愛莎和安娜嘜頭的雪花曲奇。

驚喜位四. 現場免費學畫小白

場內更有「動畫藝術教室」有專業的迪士尼動畫師免費教小朋友畫小白，畫師兩三下手勢就畫到小白栩栩如生，小朋友學完可以返屋企繼續畫畫畫。

驚喜位五.同愛莎安娜出巡

平日公主出巡只有齋睇，但今次愛莎女皇同安娜公主好親民，會發邀請咭俾身穿小公主及小王子服裝的小朋友同遊城堡，等各小粉絲可以同兩位大熱主角近距離接觸。

現場花絮，立刻去片

[youtube id=”uEZf4nkZVco”]

溫馨提示:

預計將有大量遊人到「《魔雪奇緣》皇冠大劇院」，建議入場時先領取夏雪節盛演預約証，派發地點在《魔雪奇緣》冰雪小鎮門口。
音樂劇劇長約20分鐘，場次不定，但當日的預約證及小鎮門口排隊處會顯示演出時間。
如要跟愛莎同安娜出巡，需於入園時到廣場飯店旁取《魔雪奇緣》小公主出巡活動邀請。
愛莎和安娜出巡時間為如下: 6月12至7月16日及8月25至30日 12:15pm-12:30pm (活動邀請於樂園開放時開始派發至11:45am);7月17日至8月24日 12nn-12:15pm (活動邀請於樂園開放時開始派發至11:30am)。
小鎮場內以藍燈為主，如要拍照效果理想，請帶備可調校ISO的相機。