櫻花

粉紅浪漫!漫遊香港5大櫻花樹下

親子好去處

廣告

還記得櫻花正開….無錯啦!又到櫻花盛開的季節啦!香港睇櫻花,除咗去長洲關公亭,原來仲有4個選擇啊!

長洲關公亭

位於長洲的關公忠義亭供奉關聖帝君,廟宇在1973年建成,廟前香爐兩旁的七彩金龍用最新的顏料漆上,色彩繽紛。亭子兩旁的種植了屬於台灣的山櫻花,每年3月都會盛開,櫻花30多年前由台灣移植40多株過來香港,不過今時今日只餘下十數株,有點凋零。長洲的山櫻花顏色非常鮮艷,不像日本的偏粉,花形細小而密。想年年有櫻花睇,就要記住唔好捉住花枝影相,以免花枝斷落啊!

地址:長洲山頂道 1 號

相片:長洲關公忠義亭FB

下頁有:嘉道理農場

嘉道理農場

嘉道理農場共分上山及下山兩區,想睇櫻花就要去上山區的胡挺生先生紀念亭附近啦!從入口步行到胡挺生先生紀念亭約需一小時​ ​,亦都可以選擇乘坐接駁車抵達山上胡挺生先生紀念亭。紀念亭旁邊有一大片櫻花林,種植了數十株品種名為「鐘花櫻桃」的櫻花,是台灣的山櫻花的一種,「鐘花櫻桃」花形像垂下的吊鐘,櫻花顏色鮮艷,開花期非常燦爛。

 

地址:香港新界大埔林錦公路
時間:9am-9pm
入場費 : 成人$30;5至11歲兒童$15
查詢 : 2483 7200

圖片來源:嘉道理農場暨植物園網站及FB

下頁有:鰂魚涌公園

鰂魚涌公園

相比起嘉道理農場及長洲關公亭,鰂魚涌公園的櫻花比較淺色,小編認為此處的櫻花最靚,而且仲係全港唯一生長於平地的櫻花!不過此處的櫻花樹只有一棵,而且並不算茂密,預計3月中或會滿開。想睇櫻花樹?大家可先在太古城中心四期落樓梯,經迴轉天橋,再往北角方向走,步行3分鐘就到啦!

地址:鰂魚涌太古城

大帽山郊野公園櫻花園

大帽山郊野公園的櫻花園內,有38株由台灣運來的山櫻花,跟長洲關公亭同屬一個品種,大部分花已經盛開,雖然櫻花喺山上,但都唔使身水身汗咁行上去睇嘅,大家可以去荃灣西鐵路站總站乘51號巴士,於「郊野公園」站下車,沿大帽山道往上步行約10分鐘可抵達櫻花樹處。

圖片來源:Dickens Au

下頁有:中大新亞書院

中大新亞書院

櫻花綻放於中大新亞書院學思樓與知行樓前草地,有7株櫻花,品種為日本河津櫻,河津櫻沒有台灣山櫻花的紅,幾株櫻花樹只比成年人略高一點,非常可愛。

地址:中大新亞書院知行樓

下頁有:香港單車館公園

香港單車館公園

位於將軍澳的香港單車館公園種值 6 棵櫻花,是新興的賞櫻新熱點,品種是鐘花櫻桃,跟嘉道理農場的品種一樣。而且近屋邨,感覺很特別!而且單車公園有一大片草地,就算唔係睇櫻花都係一個親子放電好去處!

 

地址:新界將軍澳寶康路107 號

撰文:Fiona Fong

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

你又點睇?

更多精選內容