街頭小食 邊樣肥？卡路里逐樣睇
廣告
街頭小食 大人細路都鍾意食？但佢哋卡路里你知幾多？以為燒賣實冇問題，其實6粒燒賣的卡路里高過6粒魚蛋接近四倍！不過街頭小食 咁好味，點可以戒？望下個表再食，適可宜止，其實都OK。
撰文：新假期
編輯：Heidi Lau
01 街頭小食 卡路里 魚蛋原來最低卡
街頭小食卡路里 你知幾多？多款街頭小食當中，魚蛋原來幾乎最低卡，一串只有76卡，不過鹽份高，一串已含600克鈉，是一天所需的三分一了。吸收過多鈉會水腫，嚴重更會高血壓和腎病； 而茶葉蛋多吃一點也無妨，美國最近已有研究證實，雞蛋黃不會提升人體膽固醇。
02 煎釀三寶+生菜魚肉+碗仔翅
煎釀三寶的蔬果加魚肉，本身超低卡，但即油炸令卡路里升，而萬年油含大量自由基，會加速人體老化和增加患癌風險；生菜魚肉都算健康，不過最好別飲味精湯；碗仔翅如要調味，加胡椒粉和浙醋無妨，麻油則免。
04 牛油粟米+魚肉燒賣
一杯加了牛油的粟米二百幾卡，走牛油立即變90卡！魚肉燒賣由肥豬肉+豬油+麵粉製成，食幾粒已經肥死你！
砵仔糕咁齋以為好低卡？甜嘢始終糖份高，無計；雞蛋仔內含牛油、淡奶和砂糖，一式底等於2碗白飯！夾餅仲要On Top加埋花生醬、牛油和砂糖，死未！
06 好恐佈！章丸小丸子
太恐怖！章丸小丸子 食一盒(6粒)已等於4碗白飯，又等如60粒魚蛋！ 元兇就是粉漿、燒汁、沙律醬和落油煎！
貼士: 小食別當正餐吃
以 街頭小食 代替正餐可減肥？以此組合為例，6粒魚肉燒賣 (294kcal) + 牛油粟 (225kcal+ 碗仔翅(123kcal)，六百多卡已經超標；吃一底夾餅代替成餐飯好 light 咩? 其實已等於兩碗半白飯！須知成年女性每日只需1,500-1,800kcal，所以都係適可而止啦！
