西貢白沙澳露營超靚圓帳營+夜晚睇星星+水上活動 最平$205

西貢白沙澳露營超靚圓帳營+夜晚睇星星+水上活動 最平$205

親子好去處

西貢白沙澳露營|天氣涼爽,正係戶外活動嘅好時節!終於都同小朋友去咗兩手fing fing的Glamping,西貢YHA嘅圓帳營好靚,有自助廚房、水上活動、BBQ,夜晚仲可以睇星星!今次就由Blogger媽媽同大家分享去玩嘅經歷啦。

西貢白沙澳露營|超靚圓帳營 兩手fing fing去露營

香港青年旅舍協會YHA嘅圓帳營(Bell Tent)非常之唔錯,枕頭被鋪一應俱全,仲有風扇、蚊香、露營燈等。圓帳營比一般帳營大4至5倍,最多可容納6人。外觀為純麻色,遠處看來猶如一個迷你馬戲團帳幕,且帶點波希米亞的簡樸風格。

西貢赤徑露營
(圖片來源:Natmama親子育兒生活誌)

場地又可以燒烤或者喺飯堂煮嘢食,只需要自備食物同埋個人物品就可以輕輕鬆鬆去露營!去Glamping大家可能以為好貴,不過YHA價錢好實惠,詳細資料大家可以睇吓文末嘅官網。

西貢赤徑露營
(圖片來源:Natmama親子育兒生活誌)
西貢赤徑露營
(圖片來源:Natmama親子育兒生活誌)

西貢白沙澳露營|見到滿天星星

Blogger媽媽今次嘅行程好簡單,四點幾check in咗營地之後,就喺營地嗰度玩,可以借球類活動同埋有啲棋,如果進取啲可以即刻去海下玩水。Blogger媽媽喺營地玩一陣、跑跑跳跳之後,就開始燒烤,燒完之後就出去海下路行下。營地周圍沿途好黑,完全冇光害,抬頭望到好多好多星星。

西貢赤徑露營
(圖片來源:Natmama親子育兒生活誌)
西貢赤徑露營
(圖片來源:Natmama親子育兒生活誌)

西貢白沙澳露營|海下沙灘 夏天玩獨木舟

夜行之後就返去營地梳洗,淋浴嘅地方雖然比較舊,但勝在熱水充足,沖個熱水涼舒舒服服,去露營都可以好輕鬆。第二朝嘅早餐Blogger媽媽喺廚房煮,基本嘅煮食用具呢度都有!有時間仲可以去海下嘅沙灘玩一陣,小朋友腳程大約25分鐘。 夏天嘅時候呢度好多人玩獨木舟,可能而家天氣開始涼,玩獨木舟、浮潛嘅人潮就唔見咗啦。

西貢赤徑露營
(圖片來源:Natmama親子育兒生活誌)
西貢赤徑露營
(圖片來源:Natmama親子育兒生活誌)

西貢白沙澳露營|海下遊客中心 了解海洋生態

Blogger媽媽仲去參觀咗海下遊客中心,呢個係一個好適合打卡嘅地方 ,成個建築設計都好靚、好文青。入面有展覽廳講解海下嘅生態資料,有VR小遊戲,亦有好多推廣環保嘅資訊,好值得大人小朋友入嚟參觀。

西貢赤徑露營
(圖片來源:Natmama親子育兒生活誌)

海下遊客中心

開放時間:

展覽廳:星期一、三至日及公眾假期

上午九時半至下午四時

接待處:星期一、三至日及公眾假期

上午九時半至下午四時半

逢星期二(公眾假期除外)及農曆年初一、二休館

參考:海下遊客中心

香港青年旅舍協會YHA圓帳營

西貢赤徑露營
(圖片來源:Natmama親子育兒生活誌)
每營入住人數 1至4人
價錢 1至4人 – 港幣920元起
預訂方法 • 官網預訂

• 致電預訂部熱線 – (852) 2788 1638

• 電郵至[email protected]

旅舍 :

  1. (西貢) YHA白沙澳青年旅舍
  2. (西貢) YHA白普理堂赤徑青年旅舍
  3. (大嶼山) YHA昂坪戴維斯青年旅舍

詳情:

住客於登記入住時須出示有效會員證方可入住上述旅舍,每位個人會員可帶同最多3位非會員入住,即1-4人圓帳營之住客須擁有1個YHA個人會籍;5人及6人圓帳營之住客須擁有2個YHA個人會籍。如閣下並未成為會員,可在抵達旅舍時於接待處即時申請。

電話:2788 1638

參考:香港青年旅舍協會YHA嘅圓帳營

常見問題

有甚麼親子活動推介?

行山、野餐、參觀博物館、參加工作坊等都是不錯的親子活動。

親子室內遊樂場需要提前預約嗎?

部分親子室內遊樂場需要提前預約,建議先向店鋪查詢。更多室內遊樂場請看:13大室內遊樂場/特色博物館 落雨都可以盡情放電!附交通收費詳情

資料來源:Natmama親子育兒生活誌圖片來源:Natmama親子育兒生活誌

你會帶仔女去嗎?

更多精選內容