保良局賽馬會北潭涌度假營 射箭＋繩網＋飛索 一家$480一晚
撰文、圖片來源：熊貓媽與熊貓仔 PandamaMason |編輯：TLY
保良局賽馬會北潭涌度假營
保良局賽馬會北潭涌度假營設下午3點入營，先辦理入營手續，買齊遊戲劵，最便宜為$300元15張，其他球類活動及分組活動如射箭、彈床、兒童繩網等不用收費。參考每日分組活動時間表，計劃好就去玩啦！
第1站：射箭（8歲以上 )
第2站：飛索體驗 Zipline（8歲以上 )
第3站：兒童繩網
兒童繩網位於戶外球場，設有高高低低唔同款式嘅繩網。
第4站: 吹氣彈床
位於室內體育館吹氣城堡彈床，每次限5個小朋友進入，呢個係收費活動，1張遊戲券約$20。
第5站：蹦極彈網
室內體育館內bungeetrampoline，小朋友見到呢個遊戲，都兩眼發光衝去玩，教練仲教佢打關斗㖭！變身Spiderman成功。呢個係收費活動，3張遊戲券約$60。
其他設施
體育館內亦有小量兒童遊戲設施、攀石牆、康樂棋、球類活動、小手工等等。而戶外活動有游水、獨木舟、單車、雪屐等等。原本我地計劃租單車、雪屐，可惜單車比較舊，而雪屐尺寸又太大。然後玩吓公園，公園都算大幾好玩。黃昏就去湖邊BBQ喇！露天燒烤場位於湖邊，小朋友可以玩吓石仔、睇風景。
度假營宿營時段由下午3:15至第二日下午1:45，為左小朋友可以玩耐點，可以延伸加埋日營，食完午餐一直玩到下點4點離開。總括宿營初體驗係好玩嘅，不妨帶小朋友體驗一下！
保良局賽馬會北潭涌度假營
營地收費：
住宿4至8人家庭營價錢$480-$1552，視乎日子及房間數量，另有團體營。如不過夜可參加日營、下午營、黃昏營。
膳食安排：
需預訂有早、午、晚三餐、糖水及BBQ，價錢$13-$56/位。我地選擇咗中菜午餐及BBQ晚餐，BBQ嘅燒烤包都幾大份，自備食物亦可。另有Canteen提供簡單食物、飲品及雪糕。
交通：
度假營位於西貢，可於鑽石山乘搭巴士；於西乘搭小巴或巴士；烏溪沙西乘搭新界的士。注意西貢小巴約30分鐘一班，等候時間比較長。
溫馨提示：
- 房間內有基本電器及設備，另有乾淨床單但需自行鋪設。
- 需自備拖鞋、毛巾、牙膏牙刷。
- 建議帶備泳衣，除游水外部份上活動會濕身。
- 戶外活動記得做好防曬及防蚊措施。
- 每日活動時間表不同，活動分收費和免費，建議計劃好玩咩活動再買遊戲券。
撰文、圖片來源：熊貓媽與熊貓仔 PandamaMason
常見問題：
問：有甚麼物品需要自備嗎？
答：需自備拖鞋、毛巾、牙膏牙刷。
問：其他注意事項？
答：每日活動時間表不同，活動分收費和免費，建議計劃好玩甚麼活動才買遊戲券。
有甚麼物品需要自備嗎？
需自備拖鞋、毛巾、牙膏牙刷。
其他注意事項？
每日活動時間表不同，活動分收費和免費，建議計劃好玩甚麼活動才買遊戲券。
