挪亞方舟

【親子好去處】挪亞方舟「童遊反斗時光機」 一齊體驗懷舊歲月

親子好去處

廣告

下個月就係復活節啦,位於馬灣嘅挪亞方舟將喺復活節期間推出以「集體回憶」為主題嘅活動,除咗有遊戲區之外,當中仲有好多唔同嘅工作坊,包括學整新派砵仔糕,以及製作專屬嘅康樂棋等,大人同小朋友有得懷舊小食同玩意,一齊體驗懷舊歲月!

撰文:Kammy|圖片來源:相關機構提供

挪亞方舟 5大期間限定活動

復活節將至,挪亞方舟由2019年4月19日至5月13日(逢星期六、日及公眾假期)推出「童遊反斗時光機」,以全新角度演繹香港昔日歲月,當中更會邀請多個本地傳統品牌,打造五大喚起「集體回憶」嘅趣味活動,畀小朋友接觸到懷舊小食同玩意,而且可以透過角色扮演體會新舊文化嘅傳承!

1. 懷舊製麵館

小朋友先以製麵機調製不同口味嘅健康麵團,再依個人喜好選擇各款麵食湯底搭配,並可發揮創意設計專屬嘅包裝盒,炮製出個人化的創新湯麵。

2. 維他奶砵仔糕工作坊

砵仔糕係種充滿地道情懷嘅街頭小食,深受不同年代嘅人鍾愛。呢個工作坊,小朋友可利用原味或麥精維他奶,混入紅豆及粘米粉等材料,調製啡白雙色嘅新派砵仔糕,仲可以將製成品帶返屋企同屋企人分享製成品!

3.養生花茶體驗坊

小朋友可以換上復古色彩嘅茶館師傅制服,以「小徒弟」嘅身分跟隨導師學習調配各色各樣嘅草本花茶。過程中,小朋友可以認識到各草本嘅養生功效,然後親手揀選適當成分並包裝成小袋。除咗體驗到傳統養生花茶嘅優點,亦可認識嶄新嘅包裝方式,方便沖飲!

4. 康樂棋製作室

康樂棋呢個桌遊最啱一大班朋友圍埋一齊玩。活動期間,小朋友可自製一副康樂棋,除咗配備充滿懷舊香港街景同特式為背景圖案嘅棋盤之外,仲可以發揮個人嘅創作力,喺棋盤上貼唔同圖案同指示,設計一副專屬的康樂棋!

5.巨型懷舊遊戲競技場

喺巨型懷舊遊戲競技場中,可以搵到波子棋、彈珠台及層層疊嘅放大版,仲會形成一個「過三關」嘅擂台,畀小朋友盡情放電!

3大遊戲區

除咗以上嘅體驗活動,活動期間亦備有其他遊戲供大人小朋友一同玩樂,包括「人肉保齡球」、「小型賽車場」以及「空中奇遇繩索」,既滿足小朋友熱愛玩樂嘅心,又可以畀親子感受獨一無二嘅快樂時光,啱晒一家大細嚟玩!

童遊反斗時光機 活動詳情

日期:2019年4月19日至5月13日(逢星期六、日及公眾假期)

時間:上午10時至下午6時

地點:香港新界馬灣珀欣路33號

查詢電話:3411 8888

入場費:凡進入挪亞方舟人士需繳付入場費,成人HK$168,小童及長者HK$138

詳情請到官方網站

 
一般條款及細則:

  • 「童遊反斗時光機」之活動日期為2019年4月19日至5月13日(逢星期六、日及公眾假期);
  • 凡於挪亞方舟正門票務處/挪亞方舟網上訂票平台或於旺角新世紀廣場1樓商場顧客服務中心購買或換領入場票並為3至11歲之兒童,均獲派活動通行證以茲識別,並可參加以上活動(部分需使用遊戲券);
  • ^活動通行證內附有8張遊戲券供場內報名參加「懷舊香江製麵館」、「維他奶砵仔糕工作坊」、「養生花茶體驗坊」及「情尋康樂棋製作室」活動時使用。如須額外遊戲券,可於場內付款購買。遊戲券不適用於網上優先預約服務。如須於網上優先預約使用遊戲券之活動,須以信用咭繳付遊戲費用。
  • 以上活動須預先透過「網上活動優先預約」或於園內領取活動籌號方可參加。活動籌號將於園內指定時間及地點派發; 而個別活動將預留若干名額作「網上活動優先預約」。所有名額均以先到先得形式分配,額滿即止。一切以場內指示及安排為準;
  • 每名排隊之參加者或其家長/監護人代表於該項活動排隊時,只可憑兒童門票換取乙個名額;
  • 每位持有有效挪亞FUN分CLUB會員證之會員,於活動當日可攜帶一位3至11歲之兒童優先參加指定活動,活動預設予挪亞FUN分CLUB之名額有限,以當日先到先得方式分配,額滿即止;詳情及安排請參閱各項活動之在場指示;
  • 每名排隊人士不能替代別人排隊,亦不允許以個人物品以佔據排隊位置;
  • 各位排隊人士須遵守秩序,請勿插隊;
  • 已取活動籌號之人士須於該活動之指定地點準時出現,否則參加名額會被取消;
  • 以上各活動可能因天氣或臨時活動等突發因素而更改或取消,並以場內指示及安排為準;活動如有更改,恕不另行通知;所有活動均以廣東話講解為主;
  • 香港挪亞方舟開放時間為每天早上10:00至下午6:00;開放時間詳情
  • 如有任何爭議,馬灣公園有限公司保留一切最終決定權。

特別備註:

  • 身高110厘米或以下之小童,參加「動物騎騎樂」時須由家長或監護人陪同;每輛動物車最多可載一位小童及一位成人;總盛載量不得超過250磅。