親子好去處｜祖父母感謝節同樂日 5大主題區 互動攤位+祖孫工作坊

親子好去處｜5大主題冒險區 齊集印章換限量感恩禮包

活動場地特別劃分為5大主題區域，分別代表「五種愛的語言」：火山區（服務的行動）、紅鸛叢林區（身體的接觸）、海洋區（肯定的言語）、森林區（精心的時刻）及沙漠區（贈送禮物）。每個區域都設有互動攤位同工作坊，參加者只要完成活動即可收集印章，齊集5個印章就可以換取限量版「感恩禮包」，包括午餐盒、李錦記產品、感謝節貼紙同心意卡，數量有限，換完即止！現場仲會免費派發薰衣草花束，等大家送俾祖父母表達心意㗎～

親子好去處｜4大互動攤位 祖孫齊玩表達愛意

代代有愛照相館（合作：香港家庭福利會）
一家人可以用唔同道具拍攝即影即有相片，仲可以寫上祝福句子，透過身體接觸表達情感。

讚美許願池（合作：香港明愛）
參加者可以寫低對祖父母或孫仔孫女嘅祝福，掛上大型許願帆，用「肯定的言語」傳遞愛意。

祖孫時光料理屋（合作：和富社會企業）
齊齊設計健康菜式，仲可以向評審介紹創作理念，促進跨代分享同互動。

祖孫連線樂園（合作：香港小童群益會）
透過層層疊遊戲，鼓勵祖孫用五種愛的語言表達關愛，現場仲有跨代溝通計劃展覽。

親子好去處｜4大家庭樂工作坊 親手製作窩心禮物

圓圈畫共創工作坊（救世軍竹園綜合服務）
一家人一齊創作對稱圖形，象徵家庭共同理念，每組2-3人。

愛的觸感按摩站（和富社會企業）
由香薰治療師教授簡單按摩手法，幫祖父母舒緩疲勞，每組2人，每節20分鐘。

心意小巴牌製造所（香港小童群益會）
自製小巴牌造型鎖匙扣，送俾屋企人表達心意，每組1-3人，每節50分鐘。

愛心紮染工作坊（香港明愛）
一齊創作獨一無二嘅紮染手帕，送禮物之餘享受精心時刻，每組1-3人，每節45分鐘。

親子好去處｜工作坊報名方法

線上報名已經開始，有興趣嘅家長要快啲行動啦！
參加者須年滿5歲或以上，12歲以下須由家長陪同；工作坊會優先分配俾祖孫一同參與嘅家庭，名額有限，先到先得！

同場加映：「代代有愛」繪畫比賽作品展

現場仲會展出「代代有愛——感謝祖父母」繪畫比賽嘅得獎作品，包括冠、亞、季軍同30幅優異作品，等大家一齊欣賞小朋友筆下同祖父母相處嘅溫馨點滴～

親子好去處｜李錦記家族基金「祖父母感謝節2025同樂日」活動詳情

日期：2025年10月12日（星期日）

時間：上午10時30分至晚上7時

地點：荃灣D・Park 愉景新城中庭（新界荃灣青山公路荃灣段398號）

費用：全免

網頁：李錦記家族基金「祖父母感謝節」

呢個秋天，就讓我們攜手跨代同樂，用行動表達感謝，用遊戲傳遞愛意！