將軍澳

親子玩樂盡在 將軍澳 區

親子好去處

廣告

香港有唔少親子玩樂好去處,但弊在地點分散,如果小朋友常力充沛,好難轉場一日走幾個地方玩到盡。而在城區邊沿的 將軍澳 ,原來區內有唔少親子玩樂熱點,小朋友玩完若嫌未放夠電的話,就可以同隔離玩過,如果plan好行程就到時間,基本上玩足全日都冇問題!而是次小編為大家介紹的幾個親子好玩場地,當中絕大部份都係免費,就算要收費也不算貴!周末仲未有計劃去邊度玩?一於入將軍澳啦!

1香港單車館公園

將軍澳 區的香港單車館公園,只距離坑口站幾分鐘路程,2013年尾新開,設施新淨配套齊全,好適合親子樂。整個公園佔地約5.3公頃,公園內的中央草坪亦是主角,目測草地近乎有一個標準足球場咁大,小朋友亦可隨意奔走,就算跌到也不易擦損,軟草上鋪氈 野餐 最舒服。公園旁邊有人工湖及兩個遊樂場,亦有繩網、滑梯等,附近仲有滑板場和運動攀登練習場,足夠讓小朋友樂透半天。

全港最大兒童遊戲室

小朋友怕熱唔鍾意喺戶外走嚟走去?走入單車館公園嘅兒童遊戲室吧,遊戲室全時間提供空調,地上及牆壁均鋪着軟墊,小朋友可以無拘無束安全咁玩。不過各位家長要留意,遊戲室每45分至1小時30分為一節,中間設有清潔時間唔開放!遊戲室中央一架模型車,是小男生最喜歡逗留的地方,場內的模型車、車呔、滑梯等所有設施均包有軟膠,小朋友點跑點撞都沒問題。

香港單車館公園

時間:9am-8pm
地點:將軍澳寶康路105至107號
查詢:2878 8621
網址︰www.lcsd.gov.hk/tc/facilities/facilitieslist/children/playroom.html
前往方法:坑口港鐵站B出口步行約五分鐘

2.調景嶺體育館

調景嶺體育館是最新落成的體育館,提供多元化康體設施。體育館內有兒童遊戲室,以海洋世界為主題,中間設置了一艘有潛望鏡的大潛艇,小朋友可以在內自由穿梭,場內亦有提供較小型的設施,可供嬰幼兒玩耍。要提提大家,其實二樓戶外仲有個兒童遊樂場!場內有目前較少見的金屬攀爬架、滑梯等設施,家長在夏天帶小朋友去玩,重溫以前熱辣辣的片段。除了小朋友設施,體育館外設置了一幅符合國際比賽標準的戶外運動攀登牆,高12米,分別有兩條訓練速度和三條挑戰難度的攀爬線,適合攀爬愛好者。

調景嶺體育館

時間:9am-8pm
地點:將軍澳翠嶺路二號
查詢:2481 5033
網址︰www.lcsd.gov.hk/tc/facilities/facilitieslist/children/playroom.html

3.坑口體育館

將軍澳除了調景嶺體育館、香港單車館有兒童遊戲室外,坑口體育館一樣有,坑口地鐵站約600米路程,卜3可以去到一個高質又免費的室內遊樂場。其以奇妙水世界為主題,面積達226平方米,場內牆壁均舖著軟墊,有不同魚類造型的玩意,而且仲有深海望遠鏡,讓小朋友在炎夏,置身清涼的水裏一樣。場內分有幾個區,如軟墊積木、布藝兒童故事書、潛望鏡和靜態閱讀區等1個小時15分鐘為一節,中間設有清潔時間,天家要留意哦!

坑口體育館

時間:9am-8pm
地點:西貢將軍澳政府綜合大樓1樓
查詢:2623 5928
網址︰www.lcsd.gov.hk/tc/facilities/facilitieslist/children/playroom.html

4.寶康公園

如果玩完室內遊樂場,想出返戶外玩,咁呢寶康公園就好適合,整個公園佔地4.13公頃,設有約十組兒童遊樂設施,當中一經以船為主題,適合不同年齡兒童玩樂,同時亦有公園亦設球場及滾軸溜冰場等,附公共泳池、體育館及圖書館,動靜兼備。

寶康公園

時間:24小時
地址:將軍澳運隆路10號
查詢:2791 3100
交通:港鐵寶琳站B2出口

5.將軍澳泳池

這次推介有滑水梯的游泳池,將軍澳游泳池也參一腳。與馬鞍山游泳池一樣有4條滑水梯,分別在於將軍澳這兒有兩個高度選擇,較矮的滑水梯,彎位較少,適合小朋友或膽小者玩樂。除了滑水梯和嬉水池,游泳池內更有一座符合奧林匹克標準的主池及一般泳池鮮有的跳水池。

將軍澳游泳池

時間:6:30am-10pm (暫停開放時段:12nn-1pm及6:30-7:30pm)
休息日:逢星期一
地點:將軍澳運隆路9號
查詢:2706 7646 / 2706 6767

 

6.環保大道寵物公園

唔好以為呢個公園淨係可以放狗,號稱全港最大的寵物公園,佔地十二萬呎,佔地12,000平方米,鄰近港鐵康城站,連接將軍澳海濱長廊。因為地方又大又靚,草地任踩任跑,又望靚海景,加上配套如洗手間等齊全,如飲水機、沖身設備、大犬及小犬活動區、沙池(寵物廁所)、涼亭、狗糞收集箱等,如果屋企有養開寵物,不妨一同前來享受天倫樂。

環保大道寵物公園

時間︰7am-9pm
地點︰將軍澳環保大道
查詢︰2791 3100

延伸閱讀

M&M’S版迷你奧運會

Melody 綠田園x運動場 現身樂富