貝澳露營JK Club

貝澳露營車JK Club|玻璃天幕睇星+玩沙+餵羊 加$100包豐富三餐

親子好去處

廣告

貝澳露營JK Club|秋天當然唔少得同小朋友露營放鬆吓啦,最近Blogger「孖寶兄弟親子旅遊玩樂日誌」就同小朋友去咗貝澳JK Club露營玩番晚。呢個貝澳露營車場鄰近沙灘,車入面有玻璃天幕睇到星星,仲可以去沙灘玩沙,會見到小白免同山羊,可以親親小動物。只要加多幾百蚊就包哂三餐。

貝澳露營JK Club|配置玻璃天幕 在床上睇星

今次佢哋訂嘅係6人家庭露營車,4點就可以check-in,6人家庭露營車是全新的,新淨得嚟裡面空間很大。裏面有一張大床同兩張上下格床,簡約而且非常舒適。車內配置玻璃天幕,躺在床上真喺好正,日頭藍天白雲,夜晚又可以觀星。到咗營地後,孖寶就被張跳彈床吸引住, 因為可以瘋狂地跳~

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|親親小動物 彈床草地放電任跑

行落啲還可以親親小動物,有可愛的小白免同好活躍的山羊添!

貝澳露營JK Club
(圖片來源:孖寶兄弟親子旅遊玩樂日誌)

戶外還有一大片草地,孖寶可以喪跑,又可以借個足球踢下波。

貝澳露營JK Club
大草地踢波(圖片來源:孖寶兄弟親子旅遊玩樂日誌)

場內還有一個超大的彈床,務求放晒孖寶嘅啲電至上。

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|超豐富燒烤套餐 加幾百包三餐

咁正嘅環境,夜晚當然要BBQ啦。呢個露營車套餐還可以加幾百蚊升級食足三餐,所以今次真係可以兩手fing fing 嚟露營。值得一提是這裡提供的燒烤枱很精美,很有歐洲風味。

貝澳露營JK Club
(圖片來源:孖寶兄弟親子旅遊玩樂日誌)

BBQ晚餐套餐包括:燒烤枱一張、燒烤炭、網、燒烤夾、蜜糖,食物有羽衣甘藍沙律配混合堅果、自家製麵包、紐西蘭西冷、羊架、彩虹鱄魚、金沙骨、雜丸、粟米、雞翼、雞肉腸,最後竟然食唔晒。

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|露營玩沙欣賞日落

喺BBQ之前, 可以去埋貝澳沙灘睇日落添,好浪漫㗎!

貝澳露營JK Club
(圖片來源:孖寶兄弟親子旅遊玩樂日誌)

最正喺露營車出面有一塊沙地,大人bbq燒烤時,小朋友就喺旁邊玩泥沙,媽媽可以專心燒烤。呢度仲有大量沙灘玩具借添,啱晒孖寶啊!

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|設備方便 啱哂家庭露營

飲飽食醉,係時候沖涼啦,露營車內置浴室非常方便,水溫都夠熱喎,不過大家記住自備毛巾、沐浴露、洗髮水、牙刷牙膏等等日用品啊。瞓覺時可以按藍燈模式,咁夜晚孖寶去廁所都唔怕黑啦!

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|新輝茶室 All day breakfast/自家製果醬包

第二日早上,可以去到營地對面的新輝茶室食早餐。新輝茶室逢星期一都係食素,Blogger媽媽強烈推介All day breakfast,另外自家製果醬包都好好味。食完早餐可以視乎天氣返露營車抖吓,或者去沙灘玩水睇吓羊仔,再去食午餐。

貝澳露營JK Club
(圖片來源:孖寶兄弟親子旅遊玩樂日誌)

貝澳露營JK Club|午餐:海景葡菜/Lunch Buffet

午餐原本喺長沙望住海灘景食葡菜,但因為星期一休息,Blogger媽媽被安排到新輝茶室食午餐buffet,孖寶聽到就好興奮。地方需小,但食物都算多元化。有pizza、炒飯、意粉、中式肉片炒菜、炒雜菜、蔬菜天婦羅、印度薄脆、沙律、各式生果、甜點,最緊要係全部都啱孖寶小朋友口味。細佬最愛杏仁蛋糕,真係好好味。

貝澳露營JK Club
(圖片來源:孖寶兄弟親子旅遊玩樂日誌)

貝澳露營車 JK Club 6人家庭露營車

地點:貝澳露營車會JK Club 貝澳老圍村大嶼山

收費:2,699起

詳情:

  1. 露營車最多可容納6人
  2. 房間配備有一張雙人床,一張單人沙發床, 一張上單下張碌架床
  3. 入營時間為下午4時
  4. 基本家具如冷暖氣、冰箱、餐具、沐浴間以至wifi都齊備
  5. 露營車內不得煮食
貝澳露營JK Club
(圖片來源:孖寶兄弟親子旅遊玩樂日誌)

升級食足三餐優惠:

.小童星期一至四+ $100 ;星期五、周末、公衆假期及公衆假期前夕 + $130

.成人星期一至四+ $200;成人星期五、周末、公衆假期及公衆假期前夕+ $250

食足三餐優惠包括:

.新輝茶室素食早餐一份($68)

.多國菜午餐一份 (只適用於退房當日享用)($128)

.BBQ晚餐套餐一份 原價($168)

.免費專車接送去程 [貝澳 — 長沙]

其他收費:

一人秘制燒烤套餐(可轉純素燒烤套餐) + $168

2人帳篷 (包括床墊及睡袋) + $600

預訂連結

常見問題

貝澳露營JK Club點去?

於東涌港鐵站轉乘3M號巴士,於老圍村站落車

貝澳露營JK Club的露營車內可以煮食嗎?

貝澳露營JK Club的露營車內不可煮食

撰文:孖寶兄弟親子旅遊玩樂日誌圖片來源:孖寶兄弟親子旅遊玩樂日誌

你會帶仔女去嗎?

更多精選內容