韓烤

玩波波池穿韓服嘆韓烤 炑八韓烤親子餐廳

親子好去處

廣告

韓流熱潮下,香港人對韓烤的喜愛沒有退減過。在此要推介一家親子韓烤餐廳啦!今次一聽個名,大家都應該耳熟能詳,亦有機會去過,就是「炑八韓烤餐廳」,位於九龍觀塘區的分店加入親子元素,有波波池、試著韓服,大人細路都有得食有得玩!

撰文:大仁生活|編輯:CH

親子韓烤餐廳 好玩兒童空間

炑八韓烤親子餐廳位於觀塘,非常容易去,一點都不難找!

係時侯要教呀芊「襟沙Me打」,帶佢嚟食韓烤,認識定韓流文化,哈哈~

炑八韓烤親子餐廳】

地址:九龍觀塘鴻圖道90號二樓
交通:觀塘地鐵B2出口步行約10分鐘
電話:2326 2220
營業時間:

星期一至五 11:30-23:30

(星期一至五 兒童遊樂專區下午5點後才開放)
星期六日及公眾假期 10:00-22:00

(星期六日及公眾假期用餐時段安排)

10:00-12:30/13:00-15:30/16:00-18:30/19:00-21:30
網路訂位:https://kidzone.meokbang.com.hk/booking

電話:(852) 23262220

一入場就當然唔係講食啦!帶佢去餐廳內的遊戲室「韓系童心空間 」放放風,等佢玩完就會食得多D!
不過今次就冇哥哥份了,畢竟都已經9歲,這場地只適合8歲或以下,所以只帶妹妹進場玩。

有2-3個職員當值遊戲室,一位細心的去測量大家體溫,一個負責濆消毒液,等大家都可以放心玩。
還有一個負責替小朋友穿上韓服,因為「炑八韓烤親子餐廳」設有「親子韓服體驗」,大人小朋友都可以穿上韓服,感受一下韓氣打打咭…哈哈~ 留意每套服只供借用1小時。
(不過切記不要穿上韓服去用餐喔!)

除了波波池外,周邊都設有不同小玩意,芊芊玩之前先坐低扮下靚,女仔人家是要的。

仲有好多木系玩具,好適合較小的寶貝們。

波波池不算大,不過有超多波波,深度好足夠,而且仲好多顏色,打咭一流。

小小的Reading Corner,唔好動的小朋友,靜靜地來個親子閱讀一樣可以。

我家公主當然就係好動啦!仲係好癲嗰隻…

真係數唔到呢度有幾多隻顏色。

仲有兩隻啡皮動物可以騎上去玩,呢隻係咪河馬架呢?

咁呢隻一定係長頸鹿喇!

置身韓屋吃韓烤

「炑八韓烤親子餐廳」有韓屋用餐區,係度食嘢真係以為自己去咗韓國囉!

而且通道好闊,行起嚟都好舒服!

玩到咁上下就番埋位準備食韓烤啦!

媽咪又發揮佢嘅無限創意啦!

我好鍾意呢個裝置,將交剪同燒烤夾,可以放落去,唔會阻住食嘢!

抽油煙的裝置都好有型。

哥哥好幫手,成場韓烤都唔駛我兩老去燒,爭在未餵到埋口。

總共有兩個KID韓烤套餐,大家可以按人數同食量去選擇。
炑八KID韓烤套餐(2位用)

燒烤產品:燒肉拼盤、健康野菜

主食(二選一):憤怒蛋包叔叔 或 健康拌飯先生
炑八KID燒烤套餐(3位用)

小食:窩心摩天輪

燒烤產品:燒肉拼盤、健康野菜

主食(二選一):人參雞湯 或 Shake Shake愛心便當

兩個食到唔停口,因為D肉真係好新鮮好Juicy,入口咬落去真係好「林」。

食品一D都唔差,仲好真林實料,呢杯荔枝梳打入面,仲有好多鮮果肉。

小朋友著韓服打卡

食到咁上下,你都知小朋友坐得唔耐,所以就帶芊芊去著韓服打個卡。
跟職員講小朋友年齡,Mark低枱號,就可以揀靚衫!不過每套衫只係可以借1小時,同埋再三提醒大家,著住韓服係唔可以去食嘢架!

帶埋哥哥一齊幫妹妹影相!芊芊就做咗我哋幾分鐘的Model仔!

套衫好靚好襯佢!可以幫佢改番個名做「大長芊」,哈哈~

到哥哥拎起相機影,嘩!點解會打斜哂架!

點解個Model變得咁醜樣架!

我一行開咗,轉咗哥哥影,芊芊D甫士都變哂!

再番去餐枱,見到個好靚的便當呀!仲有大人最想細路食的秋葵,噓噓!

呢個套餐真係抵食,仲有個窩心摩天輪,上面有好多炸物同壽司。

芊芊就最識揀,只揀薯片來食!

最後大家仲可以叫多個甜點來食,價錢都相當合宜呀!

Photo bySony A7IIIFE 16-35mm F/2

想跟我去體驗其他活動,快D報名親子團,同埋留意專頁公佈詳情啦!

http://goo.gl/forms/CNZMEPoMIWkouK8o2

(以上資料更新至文章當日)


常見問題

有甚麼親子活動推介?

行山野餐、參觀博物館親子農莊、參加工作坊等都是不錯的親子活動。盡情放電後更可以去親子餐廳用膳,兒童餐廳各有特色,絕對是假日消遣的必然之選!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

你又點睇?