香港仔水塘

香港仔水塘行山親子路線:1小時完成睇上/下水塘水壩+古石橋

親子好去處

廣告

香港仔水塘|香港仔水塘出名易行,1小時可以完成BB都行到。唔只可以睇到上、下水塘水壩和古石橋,幾個法定古蹟,呢條親子路線仲有康樂設施同兒童研習徑。去香港仔水塘有兩條路線,如果由舊灣仔郵政局出發,可以去埋灣仔峽公園嘅童話小屋打卡,公園入面仲有唔少遊樂設施,可以俾小朋友盡情放電!

香港仔水塘|BB級行山路線 觀賞法定古蹟

今次介紹呢條輕鬆路線16個月至6歲的小朋友都行到,香港仔水塘係一條好出名的親子行山路線,因為全程簡單易行,又可以觀賞法定古蹟嘅上/下水塘水壩同石橋。香港仔郊野公園內又有兒童研習徑,介紹各種昆蟲,沿途又有好多康樂設施可以玩。

香港仔水塘 水塘水壩、水掣房
水塘水壩、水掣房(圖片來源:二少奶的日常)

香港仔水塘有兩條路線,一條零難度只需要1小時就完成,另一條較複雜但睇到更多景點,文章將為大家介紹哂兩條。另外注意隨時會有野豬出沒。想睇更多路線同靚相,快啲拉落去睇啦~

香港仔水塘 水塘水壩、水掣房
水塘水壩、水掣房(圖片來源:二少奶的日常)

香港仔水塘|第一站:舊灣仔郵政局

合和中心右邊就是舊灣仔郵政局,是香港現存歷史最悠久的郵政局建築,已經列為法定古蹟,現已改為環境資源中心。從旁邊的小路灣仔峽道上山,雖然峽道全是石屎地,但也十分陡斜。如果帶小朋友怕太吃力,可以在金鐘站搭乘15號巴士至第三站灣仔警隊博物館,才正式開始。

香港仔水塘
(圖片來源:Kan夫人。生活雜記)

香港仔水塘|第二站:灣仔峽公園

由郵政局出發大半個小時後就會到達灣仔峽公園,是一個也蠻大的遊樂場加公園。公園內有小食亭、洗手間,是休息及補給既好地方。小朋友也可以在公園內放放電。灣仔峽公園有一間童話小屋係打卡熱點,就像走入童話世界一樣。

香港仔水塘
(圖片來源:Kan夫人。生活雜記)

香港仔水塘|第三站:灣仔警隊博物館

第三站灣仔警隊博物館外觀幾靚可以打卡,有興趣可以入去參觀,但裏面面積很細,如不感興趣建議飛站。

香港仔水塘
(圖片來源:Kan夫人。生活雜記)

香港仔水塘|第四站:香港仔水塘

第四站便是期待已久的香港仔水塘!落返灣仔峽公園一路行就到,香港仔水塘的古石橋一定要影。古石橋是水壩下的圓拱形小石橋,很有舊式古典美。香港仔水塘分上水塘及下水塘,上水塘建於 1931 年,非常有歷史。

香港仔水塘 水塘水壩、水掣房
水塘水壩、水掣房(圖片來源:二少奶的日常)

水塘水壩、水掣房及古橋也是法定古蹟。欣賞完美景,就可以一路下山去到香港仔。沿路亦有很多康樂健身設施,可以玩之餘又可以稍事休息。香港仔郊野公園內的兒童研習徑,還能各種昆蟲的小知識。

香港仔水塘 古橋
古橋(圖片來源:Kan夫人。生活雜記)

香港仔水塘

路線1 金鐘站搭巴士 → 灣仔警隊博物館 → 香港仔水塘
長度 約 3 公里
需時 約 1 小時 (慢慢行+影相3小時)
難度 ☆☆☆☆☆
路線2 舊灣仔郵政局→ 灣仔峽道 → 灣仔峽公園 → 灣仔警隊博物館 → 香港仔水塘
長度 約 6 公里
需時 約 2 小時 (慢慢行+影相3小時)
難度 ★★☆☆☆☆
最高點 海拔 274米
衛生設施 灣仔峽公園有小食店及公眾洗手間

常見問題

香港仔水塘路線點去?

從灣仔站A3出口出發,步行5分鍾;或在金鐘站搭乘15號巴士

香港仔水塘路線全程要多久?

1小時左右

撰文:Kan夫人。生活雜記、二少奶的日常圖片來源:Kan夫人。生活雜記、二少奶的日常

你會帶仔女去嗎?

更多精選內容