【新年親子好去處】跟胡迪去迪士尼過豬年 新春活動勁好意頭！

撰文：胡迪 ｜圖片： Joanne、Kammy

迪士尼角色著全新賀年服飾出場

今次一入園區，就有好多迪士尼角色朋友嚟迎接我，米奇、Cookie 同Duffy都著咗全新賀年服飾出場，真係好開心呀！米奇仲畀咗個好大嘅驚喜我，佢竟然搵到《三隻小豬》嚟，我梗係要捉住佢哋影相啦！

原來唔止咁呀！仲有成日扮鬼扮馬嘅高飛！上次見佢扮聖誕老人，今次就會扮財神，每日仲會喺廣場舞台表演者兩次，大家可以聽住賀年歌曲睇佢跳舞，千祈唔好錯過喇！

多款賀年佳餚

影完相肚仔餓，梗係要去食飯啦！今次樂園同酒店推出共60款賀年食品，選擇多到唔知食咩好！如果要我推介，一定必食呢個「撈起」，因為寓意風山水起、富貴好運，上面又有三文魚食，啱晒我！

為咗迎接豬年，點少得豬仔樣嘅奶皇包同叉燒包，睇吓佢幾得意，梗係要相機食先啦！

仲有新春富貴全盒，有布甸、有包、有鮑魚，仲有其他賀年小食，大人細路都啱食！

新年之後，好快就到情人節，今年香港迪士尼樂園推出咗多款情人節晚餐，一Set入而有4個菜式，但好可惜今次牧羊女去咗拍電影，冇得撐枱腳，我唯有自己食其他嘢啦…

限定新年精品好應節！

適逢新春佳節，迪士尼推出嘅限定商品，包括毛公仔、飾物、服裝等，呢啲全新精品分別以Duffy與好友、米奇與米妮等為主題，但好可惜竟然冇我主演嘅《反斗奇兵》份…不過唔緊要啦，等我都買返啲禮物送畀巴斯光年佢哋啦！

新年喎！點少得利事封呀！

我竟然會見到我喺《反斗奇兵》入面其中一個好朋友「火腿」，佢同我講因為慶祝豬年來臨，只要購物滿港幣200元或以上，就可以優惠價港幣68元帶佢返屋企，仲要係新春造型㗎！

新春主題房間佈置

影完相，食完嘢又Shopping完，真係要返酒店休息吓。喺新春期間，三間主題酒店都會免費提供新春主題房間佈置，真係急不及待要返酒店到望吓！

仲有仲有，如果新春期間入住酒店，仲有得製作DIY賀年揮春㖭，我胡迪梗係要做啦！

哇！係全新設計嘅米奇利是封，仲要有隻豬仔𠻹！新春期間入住，都可以免費帶佢哋走㗎！

入到廁所都有驚喜，係新春米奇嘅洗漱用品，好正呀！唔同大家講住，我要去休息慢慢享受下先啦，有機會再見啦！特派記者胡迪，報導完畢！祝大家新一年身體健康！家肥屋潤！恭喜！恭喜！