熊本熊愉景新城出沒注意! 必搶Kumamon拉麵限定精品
廣告
熊本熊 風頭一向勁，平日香港粉絲多數在Instagram追捕熊蹤，不過最近源自熊本的味千拉麵就拉埋呢位人氣「鄉里」合作，喺荃灣愉景新城開了 熊本熊主題麵店。不用多講，部長的可愛嘜頭一定掛滿全店，粉絲來到，未食麵，影相都影飽！
愉景新城 熊本熊 主題 deco 拉麵店!
去味千打卡+食麵+買精品+抽熊本雙人 5 日 4 夜來回機票
除了勁多影相位，店內亦有好多 Kumamon 精品，全部熊本直送，有1包4個入的拉麵套裝、竹筷子套裝及仲有口愛膠布套裝，方便食完麵選購。仲有凡在店內惠顧任何食物，就有機會抽獎，隨時贏到「熊本雙人 5 日 4 夜來回機票及九州旅遊全攻略」，名額10個，好彩嘅話可以親身飛去熊本探吓部長𠻹！
