【2026暑假親子遊】麗星郵輪 X 麥兜限定主題航次登場！附上6大熱門航程推介
小童樂齡雙重優惠：船票低至每位HK$1,400！
為照顧唔同大家庭旅客嘅需要，麗星郵輪今年更推出「夏日小童樂齡同歡雙重優惠」！凡於6月29日前報名【領航星號】7至8月份香港出發航次，即可尊享高達船票7折優惠。與此同時，同房第3及第4位13歲以下小童即可免船費，咁多小朋友一齊玩自然玩得更盡興啦！
又或者想帶埋屋企嘅長者同行都有優惠㗎！每位60歲或以上長者可享每晚HK$200郵輪消費額，等老人家們喺船上消費得更輕鬆自在，盡情享受假期！計返咁多優惠之後，折後船票每位可享低至HK$1,400，性價比相當高！
按此了解優惠詳情！
優惠加碼：官網預訂享額外9折！
抵上加抵！即日起至6月29日前，透過官網預訂7-8月份由香港出發嘅領航星號航次，即享額外9折優惠啦！記得預訂嘅時候輸入埋優惠碼【MCDULL】就用到優惠啦～睇啱就把握時機報名先啦！
按此去官網預訂！
麥兜首度登船！陪大家渡過開心暑假
今次仲特別與香港經典動畫人物麥兜合作，推出「又到暑假 – 今次出海有麥兜」限定主題航次，由7月15日至8月30日期間，【領航星號】都換上咗可愛嘅麥兜主題布置，無論行到邊都可以見到麥兜同其他角色嘅蹤影啦～船上更設有暑期獨家麥兜音樂劇場、親子工作坊，以及與麥兜打卡影相嘅機會，為小朋友帶來驚喜滿載嘅體驗！
鍾意麥兜嘅你，記得一定要參加！大家仲可以為小朋友報名參加麥兜挑戰套餐，當中包括：專屬麥兜探索任務、工作坊及指定麥兜盲袋乙套；可以同小朋友一齊合力完成探索任務，共同創造難忘溫馨回憶～名額有限，額滿即止。想參加的話就記得上船後去報名！
6大熱門航線一覽！
揀去邊度玩好呢？「領航星號」7至8月都將會提供多元航線俾大家揀，滿足唔同家庭嘅喜好及需要！
3日2夜快閃遊｜廈門及週末遊
平時工作繁忙，但又想陪小朋友出去玩下！挑選每逢週五出發嘅週末遊就perfect！唔單止可以短暫出走一下，仲可以同小朋友玩盡郵輪上嘅娛樂設施，享受海上假期～
另外，亦可以選擇廈門嘅短途旅程，順便參觀當地熱門景點及地道美食，為自己極速充電！
航程出發日期
廈門：7月15、22日及8月19日
週末遊：7月3、10、17、24、31日及8月7、14、21、28日
感受陽光與海灘｜澎湖與高雄
鍾意戶外活動嘅家庭必揀！可以體驗澎湖嘅海岸風光、玄武岩地質及新鮮海產；又可以去高雄行夜市、參觀濱海景點等，一次過滿足晒大人及小朋友嘅小願望～
航程出發日期：7月12、19日及8月16、30日
深度文化遊｜下龍灣及峴港
去旅行之餘仲想順便了解一下當地嘅文化？去越南就欣賞到被聯合國教科文組織列入世界遺產嘅下龍灣石灰岩奇觀，推介各位用最佳乘船遊覽方式觀賞！同時，大家亦可到峴港嘅熱門地標、古鎮及海灘，充分體驗當地傳統與現代融合嘅文化！
航程出發日期：7月5日
集購物+參觀於一身｜石垣島/宮古島*、那霸
提及到夏天，唔少人都會諗起沖繩大自然美景！唔單止有清澈嘅白色海灘，亦有豐富嘅島嶼文化可以逐一探索～之後拜訪埋那霸人來人往嘅街頭、擁有悠長歷史嘅首里城，再去埋石垣島及宮古島欣賞靚景，感受浮潛嘅樂趣！直接plan好晒行程～
航程出發日期：7月26日及8月2、23日
台灣日本全都要！｜那霸、基隆、澎湖
諗唔到日本、台灣去邊度好？！咁就直接2個地方都去啦～呢個航程可以帶你逛盡那霸人流超旺嘅街道、台灣基隆及澎湖嘅陽光海灘等熱門景點。無論係想shopping或者享受戶外活動都啱晒！
貼合香港人需要！「領航星號」郵輪設施率先睇
坐得郵輪，郵輪裡面嘅設施當然都好重要㗎！「領航星號」以「最懂香港嘅郵輪」為定位，船上嘅各種體驗都以圍繞香港人生活習慣及喜好而設，大小朋友都可以更快捷地適應周圍嘅環境！
餐飲方面，旅客可以參加以港式夜市為主題嘅party，品嚐咖哩魚蛋、燒賣、蛋撻及經典涼茶等港式地道美食，直接喺郵輪「掃街」食勻唔同美食；而且船上餐廳亦提供唔同中式及東南亞菜餚，滿足不同人嘅口味！
食飽之後緊係要有埋娛樂活動啦！喺泳池甲板將會舉辦「粵語金曲螢光派對」，播放經典金曲及現代流行歌狂歡，同時欣賞重新演繹嘅中國戲曲表演；入夜之後就會變成好似蘭桂坊嘅海上派對，氣氛high爆！另外，船上亦會舉辦「金咪對決」卡拉OK比賽、參加懷舊綜藝遊戲，一路聽住耳熟能詳嘅歌曲一邊玩遊戲，好有feel！鍾意睇電影嘅朋友，就一定要喺星空下觀賞經典港產片《甜蜜蜜》、《少林足球》及《燈火闌珊》，與摯愛及小朋友一齊渡過溫馨嘅晚上！
小朋友上船有咩玩？郵輪設有「小小夢想家」計劃，提供互動活動及益智工作坊、指定航次「紅毯之夜」、世界級精彩表演等；加上環境寬敞嘅家庭客房，令一家大細都可以渡過舒適又難忘嘅family time！
