B.Duck鴨仔主題茶樓進駐旺角 小朋友最愛
廣告
B.Duck茶樓登陸旺角！「飲茶食點心」一向是成人之選，小朋友都未必個個鍾意，有餐廳就將這種傳統食店與潮流結合，打造以 B.Duck 為主題的 B.Duck & Buffy 茶樓，中哂小朋友口味。不但店內滿佈主題裝飾，連點心都有B.Duck和Buffy的樣子，打卡一流，夠哂可愛，不妨帶小朋友來試下。Sundaykiss小編將為你介紹2024最新美食資訊，即睇：
撰文：小小豬Kinsey｜編輯：Vicky
今個暑假小小豬去左兩次B.Duck玩水樂園，之後又住過B.Duck主題房間，依隻豬仔對B.Duck可以話去到迷戀程度。
早幾日見朋友仔分享左B.Duck嘅可愛點心相，睇見都真係即刻超心動，好想帶小小豬嚟等佢開心一下，所以就趁好姊妹約我為小小豬慶祝生日時，就嚟「德記茶樓」朝聖，食個鴨仔午餐啦！
B.Duck主題茶樓登陸香港
其實之前都知道 B.Duck係澳門有一間點心餐廳，每次去澳門玩都好想去，但次次都係抽唔到時間去，終於依家佢地係旺角開新店，可以嚟食晒啲B.Duck 落肚啦！
一入到餐廳小小豬就已經WE WA咁聲，因為周圍都有好多打卡位，學小小豬話齋「B buck無處不在」，可愛度絕對係爆燈，好難忍到手唔狂影！
茶樓點心都有B.Duck樣 打卡一流
由於依家都仍然係試業期間，所以佢地都以點心為主，部分小炒類嘅食品就未能提供。當然⋯⋯我都係為B.Duck而來，所以就主攻有B.Duck圖案嘅點心啦！
點解都叫？咪就係因為小小豬係小籠包控，每次飲茶都一定要食幾粒先安落
由於所有點心都係即叫即蒸，所以都需要等一陣先有得食（大約15分鐘左右啦），不過亦可以趁等食嘅時間周圍影下相。
整體上食物都唔錯嘅，唔似一般主題餐廳咁只係得個樣，可以話啲點心係睇得又食得。但記得唔好影相影得太耐，因為點心係要熱熱地食先係最好食嘛
我地兩大一小食左大約三百蚊，以主題餐廳嚟講個價錢都叫做可以接受嘅，最緊要係小小豬食得開心又飽飽嘛！
小小豬仲話等遲啲正式開張之後要帶Daddy嚟食多次，佢話可以試埋其他新菜式哦。平日話同佢去飲茶都總係唔太願意，依家又話要主動嚟，呢個卡通嘅魔力真係大呀！呵呵呵！
