The Big Things | 荃灣日式親子餐廳 X 芬蘭大自然室內遊樂場 $160包一大一小

Oct 12 2021

The Big Things | The Big Things 除咗Playhouse旗下仲有一間日式親子餐廳係隔離，最近仲推出咗最新嘅有營菜式，用自家製嘅有機蔬菜煮食，營養又好味，小朋友食完嘢就可以過隔離玩超級方便。Playhouse最近加入咗唔少萬聖節活動，小朋友可以玩Trick or Treat，各位爸爸媽媽快啲同小朋友去玩兼食好嘢啦！Sundaykiss小編將為你介紹2024最新美食資訊，即睇：

圖片授權：Little twin stars龍鳳寶寶、新傳媒集團資料庫、相關機構｜編輯：Billie

荃灣日式親子餐廳 |自家裁種蔬菜入菜

日式餐廳用自家種植的有機蔬菜煮食，農地就在餐廳的天台，新鮮健康又好食！最近推出了全新的有營美食，糅合中西烹飪技巧，拍攝當日試咗幾款新美食，厚切吉列玉子三文治最受小朋友歡迎，玉子用了日本雞蛋製作，有成兩吋厚比一般玉子燒多三倍份量！

另外還有味噌三文魚六野菜便當，用懷石料理方式烹調，甜南瓜是汁煮的，車厘茄同樣是自家種植，三文魚使用了白味噌烹調非常嫩滑。仲有色彩繽紛的素飯團，將新鮮有機紅菜頭榨汁和枝豆混入飯團。

荃灣日式親子餐廳 | 小朋友至愛冬甩雪糕奶昔

除咗主食之外，仲有冬甩雪糕奶昔。奶昔口味有3款，每杯奶昔上面都有一個冬甩，仲有好多小朋友鐘意嘅餅乾同糖果。造型超級可愛最啱打卡post上IG，小model超鐘意。餐廳自家製的甜品相當不錯，柚子檸檬撻用自己種植的本地香水檸檬製成，再加入用日本柚子做的啫喱，酸酸甜甜超好味！

The Big Things Playground |大自然主題18個遊戲區域1小時任玩

Playground在餐廳隔離，食完飯可以過埋去玩！Playground是以大自然為主題的室內叢林親子樂園，所有配件都係芬蘭生產製造。入面有18個遊戲區域，1小時內可以盡情任玩。小朋友好鐘意賽車競技場，他們可以用場內號木頭車比賽。仲有虛擬繪畫，小朋友畫完之後隻小動物會係螢幕度出現。

另外，還有My Melody定格動畫，小朋友可以用相機配合不同的圖片製作。個人覺得最好玩的是溶岩金字塔同火山群島！小朋友要自己爬上最高點再滑返落嚟，刺激好玩仲可以同其他小朋友比賽！

The Big Things Playground |Halloween活動 Trick or Treat化身小魔女

早前Playground推出了「甜美森林派對」，在Playground之中融入了My Melody的元素，臨近萬聖節仲加入咗萬聖節元素！除了可以見到大大小小的南瓜、蜘蛛網、萬聖節裝飾之外，還新增了萬聖節Melody打卡位。小朋友可以着上萬聖節服飾，扮成小魔女同Melody一齊影相！仲會定時進行Trick or Treat環節，小朋友只要拉動南瓜裝置就會有源源不絕的糖果出現！