燉雞汁

葉翠翠親教自家製燉雞汁 唔油唔肥高蛋白質 補充每日所需營養

食譜

廣告

自家製 燉雞汁|市面上有唔同牌子的雞汁,無脂肪,高蛋白質,無雞油。但為求全天然,葉翠翠會選擇自己燉雞汁。早前,她接受Sunday Kiss訪問時,表示自己每朝都會飲雞汁,「雞汁唔油唔肥,有好高蛋白質,幫助身體補充返每日所流失嘅微量元素。而我亦會食其他營養補充品,例如葉酸,可以幫助BB嘅腦部神經發育,懷孕頭三個月係腦部神經同身體發育嘅黃金時期。鐵質和鈣質都係孕婦需要補充嘅營養,生咗BB之後,媽媽就無咁易殘。」

自家製 燉雞汁 適量進補 不怕上火

葉翠翠曾分享自己燉雞汁方法,大家不妨參考一下。

放個蒸餸嘅隔,燉盎入面唔好擺水,選用一隻雞,先將雞出水,然後砍件放上隔,好似蒸雞咁樣,燉三個半鐘之後就會燉出雞汁。之後同一雞件再用兩碗鮮奶燉一個鐘,可加入花膠。「相信一定會有朋友問會唔會上火,補同燥係兩件事,只要唔好過量,一星期一次或兩次係冇問題嘅。就算係熱體質嘅人,都需要進補,只係次數多或少嘅分別。」

燉雞汁方法:
1.準備燉盅
2.放個蒸餸嘅隔,燉盎入面唔好擺水
3.用一隻雞,先將雞出水,然後砍件放上隔,好似蒸雞一樣
4.燉三個半鐘之後就會燉出雞汁,必須隔油

5.之後用同一雞件再用兩碗鮮奶燉一個鐘,可加入花膠,海參

超級雞汁:
1. 用已燉好的雞汁,放入燉盅
2. 加入花膠,蟲草,海參,再燉1.5小時
3. 完成後就涼再放入雪櫃
4. 第二天會變成啫喱,可切成8至10份
5. 用保鮮紙逐份包住,放入冰箱,每天一份

自家製燉雞汁 適量進補 不怕上火
放個蒸餸嘅隔,燉盎入面唔好擺水,選用一隻雞,先將雞出水,然後砍件放上隔(圖片來源:葉翠翠)
自家製燉雞汁 適量進補 不怕上火
好似蒸雞咁樣,燉三個半鐘之後就會燉出雞汁(圖片來源:葉翠翠)
自家製燉雞汁 適量進補 不怕上火
之後同一雞件再用兩碗鮮奶燉一個鐘,可加入花膠。(圖片來源:葉翠翠)
自家製燉雞汁 適量進補 不怕上火
完成!(圖片來源:葉翠翠)

關鍵詞
燉雞汁
撰文:葉翠翠圖片來源:葉翠翠