【食譜】自家製零食 芝士魚仔餅
廣告
小朋友都喜歡香脆的零食,市面上林林種種的薯片,小朋友一見到就不撒手,但這些包裝零食含有大量添加劑,作為媽媽一定唔想小孩把立雜、唔健康食物擺入口。今次會教大家用簡簡單單的幾樣材料,在家自製芝味小食,不用油炸又夠鬆脆的芝士魚仔餅。
【食譜】自家製零食 芝士魚仔餅
我自己小朋友都好喜歡吃零食,不過市面出售的零食都比較易上火、又唔健康,我一般都會自製零食來替代。接下來教大家整呢款零失敗「芝士魚仔餅」,做法好簡單,同場會教埋大家用汽水罐整「魚仔餅模」。
材料:
– 4安士車打芝士 切絲
– 30g牛油 切粒
– 1/2杯 麵粉
– 1/3湯匙 鹽
– 2湯匙 冷水
做法:
1.將材料放盡食物處理器中(水除外),攪拌,直到麵糰呈粗沙狀。
2.慢慢加入水,每次加入1湯匙,攪拌。
3.從處理器中取出麵糰,用保鮮紙包裹住,然後放盡雪櫃冷卻20分鐘。
4.打開麵糰用餅模印模,然後整齊排好在牛油紙上。
5.放進預熱至170度的焗爐,焗15-17分鐘,或直至酥脆即可。
【 DIY魚仔餅模 】
如果沒有同款的曲奇模,也無需擔心,接下來我會教大家用汽水罐DIY魚仔餅模,方法簡單,好易整!
1.首先用鉸剪剪開汽水罐瓶身,剪成有一定寬度的長條狀。
2.然後用鑷子將鋁條夾出魚仔形狀。
迪比媽媽小貼士
1.車打芝士份量可以個人口味稍作調整。
2.隱沒後,可用牙籤來製作魚仔的眼睛和微笑。
3.用汽水罐整魚仔餅模時,要小心鋁罐刮手。