笑眼絲打 – 陳諾

笑眼絲打 – 陳諾

成日都keep住笑容燦爛嘅人,通常都好有親和力,亦都可以將快樂感染身邊嘅人!今次呢個笑點低,鍾意笑到連對眼都會笑嘅女仔,係咪一啲距離感都冇呢?Hayley(陳諾),而家喺澳洲昆士蘭大學讀緊碩士,平日鍾意打排球、打泰拳,同上高登!佢自稱係真「絲打」嚟架!

9615

其實Hayley唔止鐘意笑,仲要鍾意笑到連眼水都標埋出嚟嗰隻!係呀!佢細細個就鍾意睇吳君如架喇!最最最鐘意就係睇《家有囍事》,睇到識做佢都仲識笑!

9537-1

Hayley係第一屆新學制嘅學生,嗰陣擔心大學學位競爭激烈,所以就同屋企人商量去澳洲讀書。佢話澳洲嘅生活的確好好,基本上搵到份工都養得起自己,住嘅地方又大又舒服,都有諗過想留低,不過佢始終鍾意香港嘅生活節奏,所以讀埋個master,都打算返香港發展。

9683

如果同學仔都想去澳洲讀書,就可以聽吓Hayley嘅意見喇!佢話建議同學搵個agent 聽吓意見先,因為真係會慳番好多時間。如果想體驗澳洲嘅生活文化,真係可以住吓Homestay,HAYLEY話佢以前都住過,host family 真係好nice,如friendly 架!

9771

不過講到識男仔,Hayley就話都係香港男仔好,大家有共同語言嘛,講嘢都同聲同氣啲!澳洲男仔係大隻,又好有大自然氣息,不過成日都飲到醉晒,睇見都驚驚哋喎!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 黃大立

拍攝: Anthony Leong

剪接: Candy

美術: C Ming

Hair:[email protected] Makeup

Makeup: [email protected] Makeup

 

鳴謝:Hearties Studio(提供場地)

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容