生活日日都係咁過，但通常到有一日出現毛病，我哋先會發現原來自己一直以來嘅生活方式，係錯嘅! 呢個時候就後悔莫及喇!為咗自己同屋企人嘅健康，一定要記住以下10點生活知識，由今日起開始改變，搵番健康嘅body！
1.長期芒住個mon
電腦喺日常生活中已經不可或缺！但係用嘅時候都要小心。因為螢幕嘅亮度會導致眼睛疲勞同頭痛，而且亦都會造成神經系統嘅損壞。
2.日日吹頭
吹頭好安全？唔一定喎! 高溫會暫時切斷頭髮氫鍵排列，如果接觸過多高溫處理，會對你嘅頭皮造成影響、頭髮都易甩啲。所以一定要注意你用風筒千祈唔好吹咁埋， 同埋吹咁耐!
3.咬筆
好多人諗嘢嗰陣都鍾意咬筆，但係咁樣其實好易會傷到啲牙、或至移位架!
4.同陽光玩遊戲
見到藍天白雲梗係開心，但係俾陽光直接曬住，就唔係曬黑咁簡單喇! 所以出門口記得要搽防曬 ，咁就可以防止紫外線對皮膚嘅傷害，令到皮膚唔會咁快老化。
5.沖涼沖得太乾淨?
日日沖涼係應該嘅! 乾乾淨淨都係應該嘅，但係過度清潔就有問題喇! 尤其係用大量熱水同清潔用品，就好易會磨損你嘅皮膚，令水份容易流失。
6.做運動又唔啱?
做運動係好，但係要適量，如似慢跑咁，就會增加你患關節炎嘅風險，睇住對膝頭呀!
7.食檸檬
食多啲檸檬係可以補充維他命C，但係食完記得漱口或者刷牙，如果唔係檸檬嘅酸性就會一直keep住喺口腔，就會侵蝕你啲牙嘅琺瑯質。
8.喪食爆谷
睇戲食爆谷係常識啦！不過爆谷其實好易攝喺牙罅而造成感染。另外對某啲人嚟講，咬到爆谷嘅殼亦都好易會傷到啲牙。
9.坐定定
如果你一日坐超過6粒，患心臟病嘅風險就會增加64%。做嘢還做嘢，都要識得喺適當時候抖吓，或者起身企吓、郁吓，對血液循環都會好啲!
10.着襪瞓
着住對襪瞓係會暖啲，但係對腳尚焗咗喺對鞋度成日，如果夜晚都唔俾佢透吓氣，好易會令真菌滋生。如果冬天對腳真係見凍，可以試吓暖咗個被竇，或者浸吓熱水先瞓啦~
