黃家柱

The best of Boris Wong

article

廣告

有人話拔萃仔心高氣傲、驕傲囂張,咁可能係呢啲人未了解到真正嘅「拔萃精神」!喺DBS讀到中六嘅Boris(黃家柱)話,拔萃仔追求嘅係「Best of the best」,無論讀書、運動,定係藝術,喺佢哋心目中,「第一」先係贏,「第二」就係輸。可能有人會話佢哋唔輸得,但係拔萃仔會話你聽,呢啲叫:「精益求精」!

唔同年代嘅拔萃仔,都信奉一句說話:「拔萃是一輩子的事」。Boris認為入讀拔萃係佢人生嘅一個轉捩點,因為自細喺屋企都畀人鍚到燶,有啲目中無人,脾氣又唔好,但係喺DBS第一樣要學嘅,就係尊敬學長,所以慢慢學識做人要謙虛,呢一點亦改變咗佢以往待人處事嘅態度。

DBS轉咗直資之後,「貴族」形象就更加深化,不過Boris話,其實好多拔萃仔都係嚟自草根家庭,包括佢自己。但係佢冇因此而自卑,仲話:心有幾大,夢想就可以有幾大,即使係草根家庭,都可以有自己嘅夢想,唔應該畀家庭背景,局限咗自己嘅發展。

喺2013年嘅父親節,Boris嘅爸爸中咗風,因為咁Boris仲開始出嚟做嘢幫補家計,做過環保回收,又做過送傢俬,雖然係辛苦,但係Boris覺得要改變環境,就要捱、要闖!(哈~ 講得好Man呀!)

嚟緊就要考DSE,Boris話自己一直投放太多時間喺運動方面,所以對於入U其實都冇乜信心,加上自己蠢,所以暫時都未有打算,或者到時睇分數做人啦!

 

[youtube id=”akXJCeb6e14″]

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: 溫俊鏘

拍攝: Anthony Leong

剪接: Candy

美術: C.Ming

Hair+Makeup: Isabelle@ EM Makeup

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。