桂花酒釀啫喱

桂花酒釀啫喱

自上次我買左桂花糖整左元寶桂花糕之後,仲有成樽桂花糖係度,所以我就好想試下整酒釀丸子。不過未整桂花酒釀丸子之前,我之前見到個仲簡單嘅養生甜品,所以就同小小豬先整依個桂花酒釀啫喱試下先啦!

 

其實我都係一次冇意中見到有網站嘅介紹,佢話雖然啫喱係凍甜品,不過加左桂花同酒釀一齊食,就會變成養生甜品。

 

因為酒釀可以生津活血及利水消腫,而由於酒釀含少量酒精,所以亦可促進血液循環及促進消化的功能。而桂花糖就有生津潤肺及滋陰作用,所以雖然係凍食,但都係好啱秋冬天氣食呀!

 

材料包括有:桂花糖一湯匙、酒釀半湯匙、荔枝味啫喱粉一盒及杞子約十粒~
IMG_1455

 

其實咁多材料最難買都可以話係酒釀,因為我都真係搵左好一段時間先俾我係一暑間細細嘅雜貨店先買到。好在唔算貴,依一盒都只係$15。不過攪笑嘅小小豬問:『點解拎啲粥嚟做甜品?』。哈哈哈…咁又真係幾似哦~

IMG_1472

 

首先用熱水浸軟啲杞子備用~
IMG_1459

 

然後倒入荔枝味啫喱粉, 再加入220ML熱水慢慢攪拌~
IMG_1466

 

最後分別加入桂花糖、酒釀及杞子~
IMG_1474

IMG_1478 IMG_1496

 

攪拌好後就可以倒入模具內~
IMG_1498 IMG_1505

 

可以放入雪櫃冷藏至啫喱凝固~
IMG_1517

 

由於啲桂花、酒釀及杞子都係會沉底,整出嚟就冇咁靚,所以就可以係啲啫喱開始凝固時,用筷子攪拌一下,咁就可以雪到整杯材料都好平均啦~
IMG_1522

 

今次啲啫喱就雪左差唔多兩個鐘就凝固,所以我唔等小小豬就先食一杯先啦~
IMG_1534

 

食用效果又真係唔可以係第一次食嘅時候感覺到,不過桂花糖同荔枝啫喱估唔到又幾夾哦,加上淡淡嘅酒釀味,都唔錯呀~
IMG_1535

 

不過一向唔”好”甜嘅我就覺得甜左少少,我想減多少少桂花糖嘅份量應該會好好多。

 

由於都唔算好重酒味,同埋我食左都冇乜不良反應,所以我都有俾小小豬食,話晒都係佢整,都要俾佢自己食下佢嘅製成品嘛。食左幾啖之後,小小豬話麻麻地好味,所以就只係食左半杯。不過估佢唔到竟然鐘意食入面啲杞子,仲連我嗰杯內嘅杞子都食埋呀(平時煲湯又唔見佢肯食,真係唔知好嬲定好笑呀)~
IMG_1546

 

其實依個我都係打算整俾自己食,所以小小豬唔食都冇所謂,就等我食埋佢,補補佢啦!(唉…嗰頭話減肥…依頭又肥多兩磅啦)

 

依家有齊材料,等我搵日再整桂花酒釀丸子先得,唔知熱食個味道係點呢?

 

温馨提示:由於桂花屬性都帶一點寒涼,所以大家係整之前,都要留意一下自己體質先啦!

 

更多精選內容