好味又易整:V仔夾湯丸

好味又易整:V仔夾湯丸

幾個月前有香港代理引入
Vitantonio Waffle機 (V仔),

唔使再拖住隻變壓大牛龜火牛!
最近喺媽媽界又牽起咗搶購熱,
百X匯成日斷貨~


我呢啲周末煮婦…..
都係weekend先至得閒拎出蒞玩吓!
有時未必想食嗰樣嘢,
只係為咗玩吓!
?
咁多個模,
真係玩極都唔厭~

重溫我的V仔介紹文
⬇ ⬇ ⬇
放毒時間: Vitantonio (V仔) 三文治/窩夫機

最近流行喺雪櫃拎啲食物出嚟用V仔亂夾一番,
效果又出奇地好味!
有人夾珍珠雞、年糕、芝士年糕、雞扒….
只要你諗得到!
最近夾得最多係元宵食剩嘅湯丸!
湯丸煙煙韌韌,
用V仔稍微夾一陣,
就會有外脆內軟嘅效果!
唔使調味, 夾幾分鐘就食得!

上次元宵真係買咗幾包利川,
有芝蔴同流沙花生餡~
今晚同pok姐試咗!
果然係掂!
????
初頭以為好難掌握,
原來係冇乜難度,
只要唔好超過兩分半鐘就ok~
易甩模!
經過網友指點,
我未試過over 2.5mins,
好似話會爆漿爆得好勁&變咗一paat嘢!

芝蔴餡 (冇流沙嗰種) 非常good,
餡料份量啱啱好,
唔會爆餡!

?做法?
喺冰箱攞出蒞嘅湯丸, 唔需要特別解凍,
直接將粒石頭咁硬嘅湯丸放上waffle模~

放咗湯丸個蓋係閂唔埋,
唔好刻意用力壓實個蓋,
等熱力慢慢軟化湯丸,
蓋就會自然合埋。

下頁睇效果

吱吱聲好似有嘢要爆出蒞咁!
好彩冇!

流沙花生味,
話明流沙,
就梗係流啲餡出蒞!

???
?V仔有個缺點就係啲模唔係咁易洗

特別係waffle模,
好多罅位,
要用牙刷輕輕刷下佢先甩到啲污漬,
洗佢嗰陣要同佢談一談戀愛先!


有網友話利川太大粒,
想啱啱好一粒十字圖案靚靚地,
可以買盒裝嗰隻寧波湯丸,
細細粒賣相會靚啲~

pok姐同我都鍾意食花生,
有少少鹹味,
唔係得個甜字~

聽下試食專員pok姐點講?!

Pok家生活軼事

宣傳你的專頁

更多精選內容