《 愛回家 》大結局　5大窩心小啟示

《 愛回家 》今晚就大結局啦！相信大家最唔捨得的一定係…「馬氏一家」啦！除咗因為馬家一家人夠窩心之外，仲帶出咗與家人相處之道，及珍惜身邊人的道理，睇返前日嗰2集，原來已經有唔少窩心貼士啦！

家人的愛從來都是無條件的

尋晚嗰集講到兩家人結婚，相信最窩心一定係呢一幕！

子仁、馬壯、老虎仔同馬強一齊唱咗首《陪著你走》俾子妮，子妮傻妹咁問：「點解佢哋要咁做啊？」孻姑答：「家人的愛從來都是無條件的！」唔使多講啦！每當失落時，陪在身邊的，一定是家人；有問題時，在身邊扶持的，一定是家人。

屋企永遠都係你的避風港

子妮出嫁了，要求爸爸媽媽唔好執佢間房，等第時佢同阿豪嗌交都可以有地方住！其實無論間房有無執到，只要有問題，屋企的大門永遠都會為你打開！

你永遠都是爸媽的公主、王子

媽咪打爛咗個幸福玻璃球，但其實幸福一早就已經係我哋手裡。無論相隔幾遠，幾耐無見，仔女永遠都係爸媽的寶貝，一家人在一起的時候就是最幸福的。

下頁：有人同你搶餸食，都係一種幸福

有人同你搶餸食，都係一種幸福

子仁突然覺得呢餐飯無咁好食，馬壯即刻話，餸係要爭先好食o架！其實好啱，屋企熱熱鬧鬧，有人同你爭雞脾，點都好過返到屋企對住四面牆，得返自己一個食飯啦！所以多啲返屋企食飯，珍惜同你爭餸食的屋企人啦！

永遠都可以跟家人撒嬌

子妮出嫁前，同媽咪笑談小時候的事，媽咪即刻話佢咁大個人仲撒嬌。其實無論嫁到幾遠，年紀幾大，永遠都可以同屋企人撒嬌，因為得佢哋先會寵壞你咋！

撰文：Fiona Fong
圖：mytv《 愛回家 》截圖