你給了仔女「偉大航道」嗎?

你給了仔女「偉大航道」嗎?

看《達Ming X 農夫<已經爆咗>棟篤唱》,見到康復的達Ming又打鼓又踩板車,阿李媽媽好開心,聽農夫唱他們那首《偉大航道》,好錐心。

 

《偉大航道》是農夫的經典作品,由隊員 C君 填詞,當時他要寫一首歌給自己將來的仔女,結果陸永生了兩個女, C君 還未拉埋天窗,在此希望他的仔女可以早日聽到這些如此有意思的歌,一定好崇拜個老竇。

 

SK_201612_pic03

 

阿李媽媽翌日嗱嗱淋叫moonmoon和sistermoon聽多次,因為歌詞實在太滾動:細路哥細細個仲細得幾多年,唔好俾你嘅童年淨係充滿考試同測驗;望下個天,咁好天去下海邊,因為到你大個就會忘記乜嘢係大自然。我做學生要爭取時間(玩)有幾多功課做都好閒,唔駛喊,當你正式上班 先知道乜嘢叫慘原來做功課好簡單,做人好難。

 

阿李媽媽看到兩個女一邊聽一邊笑,覺得這一代父母都無謂親自嘮嘮叨叨,不如借一些pop culture來傳情達意。其實,阿李媽媽聽到這首歌詞,心中真有點淚。這種道理,正正是我認為今時今日在香港的父母要明白並實行的。

 

下頁:道出阿媽恐懼

有時見到當父母的朋友要孩子補很多習,什麼學科都要補,甚至體育都怕低分,所以補籃球、乒乓球、游水,阿李媽媽不敢勸阻,但又怕孩子沒有時間「發吽豆」。為什麼?前幾天難得聽到有人說「創意」是什麼?就是「冇嗰樣、整嗰樣」,為什麼?是因為對現狀不滿,才要做些事來娛樂自己或改善情況。密集的補習和興趣班只會令孩子身心疲累,而累的人只會想休息,不會有興趣來胡思亂想,更無力發揮創意。

 

SK_201612_pic02

 

《偉大航道》的歌詞又話:大多幾歲,你會想搵返個情侶,老土啲講一句,唔係有心就唔好追佢,你諗下佢流嘅眼淚傷害佢,將來佢唔再相信愛,你仲點過意得去?愛情係好玩但係唔好玩愛情,你一個唔小心,可能會影響佢一世人⋯⋯係啵,記住飲酒唔好飲咁多,尤其是有杯著曬火,一定要朋友幫下拖,貓到瞓低都冇乜所謂,最怕起身係隔籬,見到個好似我咁嘅男仔,你就知道乜嘢係蝕底。

 

C君 道出一個生咗兩個女嘅阿媽嘅最大恐懼之一,就借農夫的歌寄語。

 

其實,父母給孩子最偉大的航道,並非補習、興趣班丶同入名校,而係自信、勇氣及明白人生一些人人常講,但好難做到的大道理,這樣才能過一個快樂、有意思的人生。

 

更多精選內容