HKCC Laughing Gor –  張嘉豪

HKCC Laughing Gor – 張嘉豪

個樣生得似Laughing Gor,可能有人會話:「咁靚仔極有限啦!」少年,如果真係咁諗,就太膚淺喇!謝天華都撈咗23年,先遇到「Laughing Gor」呢個角色,23年喎!冇番咁上下耐力,點捱呀? 張嘉豪 (Bryan)都係一個好有毅力嘅人嚟架!可以由一個體重超過80kg嘅肥仔,操到好似而家咁大隻,都唔係人人可以堅持到架!

8259

天生一對單眼皮,眼係唔大呀,但係就食正個韓風囉!有人話佢似《繼承者們》個金宇彬!不過嘉豪眼中嘅男神,就只有彭于晏!名符其實樣靚身材正!

8422

嘉豪話,練到一身肌肉,個人自不然都大力咗,所以喺屋企所有搬搬抬抬,粗重功夫,都幾乎由佢包辦!仲話:「變咗大隻仔啫!都要做孝順仔架!」又啱喎!

8384

嘉豪而家讀緊high-dip,讀完書,佢話想趁後生去追夢,試吓做演員,因為佢唔想過一啲太安定同刻板嘅生活,想趁自己仲有本錢嘅時候,搏盡啲,即使衰咗,都係一個難得嘅體驗!

8227

睇嘉豪個樣都稍稍惡狠,其實佢個人都幾有喜感。佢話佢最崇拜嘅藝人就係王祖藍,佢覺得可以帶歡樂同正能量畀人,係一件好開心嘅事,所以祖藍就係佢學習嘅對象喇!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Clay Lam

拍攝: Anthony Leong

剪接+美術:Ks

Hair+Makeup: [email protected] EM Makeup

場地提供:Synergy Biz( www.synergybizgroup.org )

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容