桃膠雪蓮子 煲黃耳

桃膠雪蓮子 煲黃耳

早前有朋友仔問我 雪蓮子 嘅功效,亦都醒起原來我買左一包都未煮,所以就加埋屋企已有嘅桃膠及黃耳,煲返個糖水嚟鍚下自己先!

 

黃耳所含膠質亦非常豐富,可促進肝脂肪代謝,亦可滋潤養顏及延緩衰老。

 

桃膠含有豐富植物膠源,可補充皮膚膠原蛋白、增加皮膚彈性、減少皺紋。

 

雪蓮子營養成份豐富,屬高能量、高碳水化合物、低蛋白,低脂肪食物。而且可以補充膠原蛋白,可以滋養皮膚及養肝滋腎。

 

所以三者加埋一齊煲,可以話係補充膠原蛋白最佳組合,仲唔係勁啱女仕們飲用!

 

雪蓮子約20粒、桃膠半湯匙、黃耳2朵、圓肉3-4粒、冰糖少少~

IMG_2670

 

將雪蓮子、桃膠及黃耳用水浸發十小時間或以上至軟身~
IMG_2558

 

然後雪蓮子及桃膠就要洗淨後把黑色部分剪走。黃耳就去蒂切細細舊~
IMG_2674

續下頁

將兩飯碗清水加入煲內,然後再將所有材料,以中火煮半小時~
IMG_2677

 

話咁快就食得啦…最好就要趁熱食~
IMG_2686

 

基本上所有材料都食得,食落又真係幾好味,而且仲好飽肚添…哈哈哈~
IMG_2692

 

簡單得嚟又真係超滋潤,膠質仲好重,所以得閒都要煲俾自己食,女仕都要愛下自己先得呀!

 

溫馨提示:藥材依方面都係好因應個人體質,所以記得煲之前了解下自己,或者問下相熟藥材店職員,依個藥方啱唔啱自己飲呀!

 

BY 小小豬的成長日誌

更多精選內容