啱晒小朋友！香港4大好玩 野餐 勝地
佐敦谷去到悶？不如去附近牛池灣公園啦！牛池灣公園分了四個平台區，有3個兒童遊樂場，大草地，草草迷宮、緩跑徑、石春路、植物園，連射箭場都有！公園依山勢而建，要上好多樓梯，少啲腳骨力都唔得啊！不過去到盡頭，有一個大草地，乜都抵返晒啦！小編建議大家由最高的平台開始玩起，因為呢個遊樂場最多元化，見到都興奮！
下頁：下層有咩玩？
走落一層，就嚟到中平台啦！呢層就比較大人化，有天幕廣場、緩跑徑等。同層的兒童遊樂場有BB座位同普通韆鞦、攀石牆、健身架、四座位搖搖椅。
再落低一層，仲有2個遊樂設施。
牛池灣公園
地址：九龍黃大仙牛池灣豐盛街71號
前往方法：彩虹地鐵站A出口搭16A/B/S 三架小巴都可直達
開放時間：6:30am-11pm
相片來源：魚子醬 – 鐵人家族親子遊、3B孖媽親子生活館
下頁有：香港單車館
全平坦草地 香港單車館公園
香港單車館公園於2014年4月正式開放，館外有一大塊綠油油的大草坪，除了野餐外，公園內有不少兒童遊樂設施，除了韆鞦、滑梯等基本設施之外，還有單車賽道、兒童遊戲室和小型攀石牆等，而且設施非常新淨！
在草地附近的兒童遊樂場，分了不同區域，適合不同年齡的小朋友。
香港單車館公園
地址：將軍澳寶康路105-107號公園
前往方法：坑口站B出口步行前往，於基督教神召會梁省德小學與文曲里公園之間的行人路直行，穿過環保大道，便可到達。
開放時間：7am-11pm
相片來源：魚子醬 – 鐵人家族親子遊、咱們仨V2
無敵大海景 中山紀念公園
一邊野餐，一邊望住維港，幾咁嘆呢！另外，去野餐多數都要坐地下，所以一片夠綠油油，好似地氈咁軟熟嘅草地好緊要！中山紀念公園嘅草地呈圓形，質地柔軟，赤腳行都不痛。場內設施有噴水池、緩跑徑、藝術雕塑及兒童遊樂場等，一家人細hea足一日冇難度啦！
草地旁邊有一個遊樂場，除了野餐之外，也是一個親子活動的好地方！
中山紀念公園
地址： 西環東邊街北
前往方法： 巴士4X、43X、90B及94X在高樂花園附近落車，行5分鐘即到。
開放時間：24小時
部分相片來源：3B孖媽親子生活館 日誌
下頁有：自駕首選野餐勝地
自駕首選 大帽山郊野公園
大帽山作為香港最高的山峰，一般人除行山外，都好少去。但原來隨著自己的座駕，從荃灣攀山大約十分鐘左右，沿登山的一條路，來到大帽山郊野公園，轉右落去就是一個廣闊的停車場，周圍被草地包圍，頭頂就是一望無際的天空，無論是白天來席地而坐野餐 ，抑或行山睇風景，這裡都是絕佳的勝地。唔好以為大帽山郊野公園咩都無啊！呢度有個遊客中心，入面好多嘢啱小朋友玩o架！
中心的展覽廊共分為六個主題部份，分別介紹大帽山郊野公園、全球及香港的氣候變化、氣候變化對本港的樹林、生態系統以至極地的影響。展覽廊設有多元互動的展品及遊戲，令大家明白愛護郊野環境以及珍惜地球資源的重要性。
大帽山郊野公園遊客中心
地址：荃錦公路大帽道扶輪公園
開放時間：星期一、三至日9:30am-4:30pm；逢星期二休館
費用：免費
查詢：2498 9326
撰文：Fiona Fong
※如欲率先接收資訊，請讚好我們的FB專頁：https://www.facebook.com/SundayKiss/，並於「已讚好/Liked」選單設定「搶先看/See First」，多謝支持。
