Citywalk, 荃新天地, 世界地球日, EarthDay, 植物發電機

世界地球日 用創意編織未來

專欄

廣告

相信好多小朋友同 Keicy 一樣,

夜晚會喺屋企開燈睇書、做功課同玩,

間中會用膠袋裝「濕星嘢」。

使用電力同膠袋,係我哋日常生活嘅一部分,

而呢兩樣表面冇乜關連嘅嘢,其實都係嚟自石油,

即係話,我哋有份製造溫室氣體,引發極端氣候變化。

`

可能你會話:「用少少電, 用個膠袋, 邊有咁大件事呀?」

`

發電廠燒煤產生溫室氣體好多人都知,

不過, 膠袋帶嚟大量污染, 你又知唔知?

`

地球政策研究所指出,每年,全球平均每分鐘耗用大約 200 萬個膠袋。

而製造過程亦會排放大量溫室氣體, 例如二氧化碳、一氧化氮等。

加上一般膠袋需要 10-20 年先會自然分解,

證明每個人「用少少電,用個膠袋」, 就已經為地球帶嚟污染。

`

所以我認為, 環保唔止「用少啲電,用少個膠袋」,

而係要用零污染嘅方式生產電力,減低膠袋帶嚟嘅禍害,

最重要係,將呢啲信息逐少灌輸下一代。

`

今日, 4月22日, 世界地球日, 好啱做呢件事。

因為全世界都廣泛宣傳同實踐環境保護概念,

所以帶咗 Keicy 去荃灣一個商場,

睇植物發電機, 參加小型環保裝飾工作坊, 體驗環保生活!

`

植物發電機藝術裝置

廢物循環再用, 你可能會即刻諗起「收買佬」。

不過喺呢個商場見倒嘅, 係好 fancy 嘅大型藝術裝置!

好有興趣嘅 Keicy 睇到嘩嘩聲! 勁興奮!

`

本地環保設計團隊 KaCaMa Design Lab 聯同荃灣區嘅市民及學生,

融合創意環保充電技術及編織工藝,

合力製作一組富有生命力嘅植物發電機!

呢個實驗空間內每一棵植物都係一個獨立電池,

泥土內插入帶有正、負極嘅銅片及鐵片,

兩端由兩頭電線夾接駁到發聲裝置。

`

當植物產生光合作用時會釋放營養素,

同泥土內微生物產生化學作用, 轉化成電流。

通過發聲裝置傳出悅聲嘅雀鳥聲, 令 Keicy 同我好似入咗一個綠林裡面。

我趁機會提醒 Keicy 要珍惜林木同動物嘅棲身之所,

降低物種滅絕危機, 減少人類未來承受更多天災嘅威脅。

`

廢棄膠袋變織物

最鍾意 DIY 嘅 Keicy 又有新發現!

將膠袋摺兩摺, 剪手抽位同底部, 再打結綁好,

就造到一嚿 「毛冷」,

之後就可以 DIY 你想要嘅織物,

大家都試吓啦! ^^

`

Keicy 估唔到原來膠袋有咁多用途, 仲話想返屋企織個手袋仔!

呢排成日落雨, 令 Keicy 忽發奇想, 諗到用膠袋綁住條繩, 做風箏!

古語有云:「小朋友嘅創作力量同幻想, 會嚇你一跳」, 係真㗎! XD

`

現場有好多唔同顏色嘅花花, 同膠袋織埋一齊嘅裝飾品, Keicy 一見到就大叫好靚! 叫我幫佢影相,

仲問:「咦? 係咪好似頭髮鬢辮咁呀?」

睇嚟 Keicy 已經識點整喇! 哈哈哈……

有靚姐姐悉心指導, Keicy 嘅大作出爐喇!

 

原先諗住為 Keicy 灌輸環保意識, 估唔到能夠激發佢嘅創作思維!

唔知其他小朋友睇完呢個展覽, 又諗到乜嘢呢?

一齊分享吓吖! ^^

`

想小朋友將來有更好嘅生活,

除咗盡力給予最好嘅物質,

更要教育佢哋珍惜身邊嘅一切, 包括我哋嘅地球,

令成長後嘅佢哋, 有一個更美好嘅家園 🙂

`

FB: KeicyKK

`