決明子菊花茶

決明子菊花茶

同朋友仔傾開計,原來佢成日都焗茶飲,仲教左我焗 決明子菊花茶 ,可以紓解眼睛周圍壓力,最重要係可以幫助體內排毒。一聽到咁可以排毒(即係減肥啦),當然係即刻又焗埋一份啦!

 

材料都係好簡單,只需要三樣,一般藥材鋪都可以買到。決明子半湯匙、菊花一湯匙及甘草兩片~
IMG_3702

 

菊花同甘草就成日都會用到,菊花可以清熱解毒及有明目嘅作用;甘草有助清熱解毒及補脾益氣,不過就唔可以落太多,如果唔係就變左有毒。

 

依個就係決明子,我都係第一次接觸,所以即刻上網搵資料,原來係可以促進新陳代謝,有降血壓及膽固醇效果,還能紓解眼睛周圍壓力,淡化黑眼圈,如果有便秘困擾,也能幫助體內排毒~
IMG_3700

 

將決明子、菊花及甘草稍微沖洗~
IMG_3706

 

同一時間用熱水焗下個燒燜杯/暖杯,蓋好蓋,暖杯備用~
IMG_3704

 

暖杯約15分鐘之後,倒左啲水,將所有材料放入~
IMG_3708

續下頁

加入熱水,蓋上杯蓋燜約15-20分鐘,不過我想出味啲,我焗左30分鐘先飲~
IMG_3710

 

焗完就可以飲得,不過如果飲慣甜味嘅朋友,可以等茶至室溫後加入少少蜜糖飲用(我自己就冇加蜜糖,都覺得夠味)~
IMG_3729

 

其實我覺得同普通嘅菊花茶味道都係差唔多,不過就多一份甘味,飲落都唔錯呀!焗完一杯之後,可以反覆加熱水沖泡,可以有繼續飲,直至味道變淡為止。我用依個分量飲左一個上午,都可以話KEEP到四杯左右呀!

 

簡單少少材料及一隻保溫杯就得,真係既方便又簡單,非常啱各位靚靚上班一族,返工時飲水飲到悶可以焗杯嚟飲,好過成日飲啲唔健康嘅飲品嘛!

 

溫馨提示:由於材料都涉及藥材成分,所以係好因應個人體質,大家記得煲之前了解下自己,或者問下相熟中醫/藥材店職員,呢個湯料啱唔啱自己呀!

 

BY 小小豬的成長日誌

更多精選內容