我要 生猴B

我要 生猴B

大家好,我係新嚟嘅blogger,我嘅猴B故事由舊年10月開始,review一下希望大家唔好怕長氣。

 

自舊年8月開始睇中醫,因為上胎十週無胎心要做藥流,小產過後一心想調理返個身子,點知連M都無埋,望住個月曆,日子一日一日咁過, 生猴B 嘅機會真係凍過水,好驚小產後會不育呀。

 

中藥

 

中藥

 

一開波係睇浸會大學嘅中醫,網上評價好壞參半,專登揀左位出名睇婦產科嘅醫師,佢話我嘅脈象係血氣唔好引至經血過少,開咗好多行氣活血嘅藥,例如龜膠、羊胎之類,前前後後睇咗十幾次,睇到荷包乾涸,乖乖地飲藥、戒口、晚晚薑水浸腳,點知連經期都無埋,好心灰意冷。

 

薑水浸腳

 

後來試下刮痧啦,真係痛到入口,醫師話我身體好唔妥,起勢咁刮落嚟,真係好痛,每次刮,自己都忍唔住崩塌咁樣喊,尤其係大腿,痛到癲。經朋友介紹,又睇第二個中醫,希望可以雙管齊下,快點有好消息!依個醫師就話我因為上次坐小月無飲生化湯,然後又狂補身,整到月經不調喎,加上本身已經內分泌失調狂生暗瘡,咁又睇左好幾次喇。

 

刮痧

飲極中藥都無乜料到,的起心肝睇西醫,居然照到內膜異常地腫L晒,醫生一開口就問我係咪食咗中藥…..臨走是佢叫我記得唔好再飲中藥住,食返有營養嘅野就得。食咗佢開嘅黃體素,嚟左次假M,一嚿二嚿清出嚟,但係假M後到2016年1月都未有M,唔通要再睇多次醫生?

 

下頁:無啦啦神奇地有咗

2016年都到喇,話說1月4日同表嫂講起自己真係肥左好多,佢問我會唔會係有咗,但連續4個月無M,都唔敢奢望。返到屋企心血來潮不如睇下會唔會有奇蹟,嘩嘩嘩嘩,唔係咁大整蠱嗎?上星期重食左生豬肉睇醫生食藥,而且重買晒機票酒店準備新年嘅泰國8天嘆世界之旅,依頭居然中大獎?!

 

FullSizeRender (1)

 

第二日馬上去搵覃醫生,今次醫生直接照肚,已經見到胎心了,初步估計有八週。實在太奇妙,無經期4至5個月,點解會懷孕,到而家都仲係一個迷。基本上個個星期都會用大衛嘅早孕試紙CHECK排卵,一直都CHECK唔到….醫生問我最後經期係幾時,想用嚟推算預產期,SORRY呀醫生,你睇返我嘅紀錄….醫生都O晒嘴問我:乜你上次之後一直都無經期? 我話:係呀。咁唯有按胎囊大小嚟預測啦。

 

想起上次等到十週都無胎心,今次,望住一下又一下好強烈嘅閃閃,胎心跳到145,果刻,真係好感動,眼淚由眼角流出黎,可惜老公要返工,陪唔到我經歷呢個咁重要嘅時刻…約好下次產檢,馬上打電話比老公,老公把聲都好開心,但我地都唔敢好似上次咁張揚,有人話未夠3個月話俾人知,BB會小器,你話我迷信都好啦,今次,我真心地怕有「小氣」呢回事了…

雖然新年旅行時已經滿三個月,但經過醫生建議後,我哋決定放棄旅行!

更多精選內容