恒管JM –  方敏婷

恒管JM – 方敏婷

Janice Man一出道就被譽為「?界女神」,之後由?模轉型成藝人,近年仲拍親都係大片,合作嘅都係大星,今年仲憑《赤道》一片獲提名競逐金像獎最佳女配角tim! 喺恒管讀緊英文系Year 4嘅 方敏婷 (Natalie),就似足JM咁天生一副明星相,唔知佢第時會唔會好似JM咁紅呢?

3949

Natalie嘅五宮都幾標誌架! 佢話最滿意呢,就係自己對眉夠濃,同睫毛夠長,所以唔駛化好勁嘅妝都可以好上鏡啦! 不過呢,佢就嫌自己個鼻唔夠高,同個身形唔夠骨感啦~(即係少肥啦~哈哈~),仲話如果高多少少就好啦!

4108

太約兩年幾前,Natalie就已經簽咗公司,開始做model,所以喺學校都冇參加咩課外活動。不過佢覺得呢4年都讀得好開心,同學都好nice,教授亦都好親切,send 親email都必覆,傾偈傾功課都好welcome,所以有意報讀嘅同學,都唔駛俾太大壓力自己,面試嘅時候,可以放鬆啲,自然啲,唔駛太多掩飾。

4120

Natalie話做model其實都有表演嘅成份,經常都要應記者同客戶嘅要求,做好多自己平時冇乜機會做嘅嘢,可以發掘多啲自己嘅可能性。而家成日都要扮OL同空姐,其實都幾悶啦! 如果可以嘅話,都想有機會表現吓自己其他方面嘅潛質啦,佢話自己都幾搞笑架,做綜藝主持應該可以勝任喎!

4047

Natalie話,可能個面形細啦,紮起頭法可能會好睇啲,所以成日都俾人揀去扮空姐,不過佢話如果都係着制服,佢就情願揸槍扮警察喇,香港好多大片都係警匪片,應該會吸引到多啲觀眾入場睇,而且造型都有型啲啦!

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Killy Sung

拍攝: Anthony Leong

剪接: Candy

美術: C Ming

Hair:[email protected] Makeup

Makeup: [email protected] Makeup

提供場地:Bliss Studio HK (9129 4976)

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。

更多精選內容