動感科學園地

【好玩科學園】 動感科學園地 – 創藝科學城

專欄

廣告

科學園係其中一個我家鐘意去玩嘅地方,每次同小小豬講我地入科學園參加工作坊,佢都總係超級開心兼期待,再加上每次主題都唔同,所以去幾多次都唔會覺悶,今日我地三口子又齊齊入嚟參加「 動感科學園地 – 創藝科學城」啦!

 

當然,我都要非常多謝公關姐姐們為我地安排,每位姐姐都好愛錫小小豬,所以每次都令小小豬玩都唔願走。

 

今次工作坊節目都好豐富,大部分都係適合4-6歲以上小朋友,所以應該好啱小小豬玩~

 

我地第一個工作坊就係「動畫投影機」~

 

其實依個係所有工作坊最難嘅,唔好話小小豬,就連我都覺得有點不知所措。不過好在有在場工作人員幫手,我同小小豬就邊整邊問,所以都叫做可以一步步緊住做。小小豬負責啲簡單嘅工作摺,紙卡摺外殼、剪動畫卡紙同埋接上插電及插頭~

接下頁

經過一輪努力終於完成,可以睇下小貓動畫啦(不過…傻豬仔好似調轉左嚟睇哦..哈哈哈)~

 

第二個工作坊係「科學轉轉樂」~

 

依個係小小豬最鐘意玩嘅工作坊,緊係啦…一見張車嘅地圖就已經閃閃眼啦!其實都係利用紙條做路軌,要成功將粒彈珠放入籃內~

 

路軌係由小小豬自己設計,所以當經過測試後,成功左又真係幾興奮呀~

接下頁

玩左兩個工作坊見有時間,加上小小豬又做得幾好玩,所以就俾佢去「活力彈床」嚟個小放電啦~

 

第三個工作坊「我的VR眼鏡」~

 

VR(Virtual Reality)即係虛擬現實,利用紙卡摺一個眼鏡型嘅瀏覽器~

 

之後係Youtube入面搵啲VR影片,再將手機放入VR眼鏡入面,再睇到3D短片啦~

 

依個VR眼鏡真係睇到佢地兩父子嘩..嘩聲,最攪笑係小小豬睇到身體左右搖擺~

 

第四個工作坊「迷你導電樂譜」~

接下頁

學開彈琴嘅小小豬當然係鐘意玩依個工作坊,其實係利用鉛的導電原理去製作聲效。先將工作紙用鉛筆油好~

 

將聲效機器放在紙上,之後找出Do Re Mi音調,就可以奏出生日歌啦~

 

依個小小豬真係玩到唔願走,不停係度搵啲音調,係度邊奏邊唱,超級ENJOY呀~

 

第五個工作坊「手工T-shirt 齊齊印」~

 

未開始時就當然係乖乖留心聽負責人介紹先啦~

 

利用絲網印刷,將自己喜愛嘅圖案利用油彩印係T-shirt上~

接下頁

之後小小豬仲手繪左啲只有佢明白嘅圖形同字句~

 

小小豬大作終於完成,其實係佢想寫母親節快樂,話件衫係我嘅母親節禮物,見到就真係唔知好嬲定好笑啦~

 

最後一個工作坊「快趣創意畫廊」~

 

其實就係俾小朋友自由畫,當然重中負責哥哥都有同小朋友講解啲顏料所涉及嘅科學原理~

豬大師開始動工,睇佢又好似幾專注去畫哦~

 

不過個製成品就……..佢話係藍天下嘅遊樂場,有摩天輪同滑梯。唉…一向完全係”0″畫畫興趣嘅小小豬肯自己去諗個主題都已經係好難得,所以…….算啦,我都有讚佢畫得靚,希望俾多啲信心佢,等佢慢慢增加畫畫興趣啦~

 

開開心心又玩左一日,如果唔係因為趕返去同奶奶食母親節飯,小小豬仲可以畫埋面仔同跳多陣彈床呀!

 

不過佢話唔緊要,仲有兩個星期日可以入嚟,到時再畫老虎仔係塊面上呀~

 

More Information :
日期:2016年5月8、15及22日(星期日)
時間:下午1時至6時
地點:香港科學園
詳情:按此

 

BY 小小豬的成長日誌